ന്യൂയോർക്: യു.എസ് ഓപൺ വനിത വിഭാഗത്തിൽ വീണ്ടും അട്ടിമറി. മൂന്നാം സീഡും നിലവിലെ ജേത്രിയുമായ നൊവോമി ഒസാകക്ക് പിന്നാലെ ടോപ് സീഡ് ആഷ്ലി ബാർതിയും പുറത്തായി. സീഡില്ലാതാരം യു.എസിെൻറ ഷെൽബി റോജേഴ്സിനോടാണ് മൂന്നാം റൗണ്ടിലെ മൂന്നു സെറ്റ് പോരാട്ടത്തിൽ ആസ്ട്രേലിയക്കാരി അടിയറവ് പറഞ്ഞത്. സ്കോർ: 6-2, 1-6, 7-6. പുരുഷ വിഭാഗത്തിൽ ടോപ് സീഡ് നൊവാക് ദ്യോകോവിച് റെക്കോഡ് ഗ്രാൻഡ്സ്ലാം നേട്ടത്തിലേക്ക് ഒരു പടികൂടി അടുത്തു.
ജപ്പാെൻറ കെയ് നിഷികോരിയെ 6-7, 6-3, 6-3, 6-2ന് തോൽപിച്ചാണ് ദ്യോകോ പ്രീക്വാർട്ടറിലേക്ക് മുന്നേറിയത്.പുരുഷന്മാരിൽ നാലാം സീഡ് അലക്സാണ്ടർ സ്വരേവ് പ്രീക്വാർട്ടറിലേക്ക് ടിക്കറ്റെടുത്തപ്പോൾ ഏഴാം സീഡ് ഡെന്നിസ് ഷാപലോവ്, 21ാം സീഡ് അസ്ലാൻ കരാറ്റ്സേവ് എന്നിവർ പുറത്തായി. വനിതകളിൽ ഏഴാം സീഡ് ഇഗ സ്വൈറ്റക്, 11ാം സീഡ് ബെലിൻഡ ബെൻസിച് എന്നിവരും മുന്നേറിയപ്പോൾ 10ാം സീഡ് പെട്ര ക്വിറ്റോവ പുറത്തായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.