മൂ​ന്നാം ദി​നം കേ​ര​ള​ത്തി​ലേ​ക്ക്​ ശാ​ലി​നി​യു​ടെ ഒ​രു സ്വ​ർ​ണ​വും ജെ​റി​െൻറ വെ​ള്ളി​യും മാ​ത്രം​

മൂ​ഡ​ബി​ദ്രി: പ്ര​ള​യ​കാ​ലം ബാ​ക്കി​വെ​ച്ച സ​ങ്ക​ട​ക്ക​ട​ലി​ൽ​നി​ന്നും ഉ​ദി​ച്ചു​യ​ർ​ന്ന് വി.​കെ. ശാ​ലി​നി​യു​ടെ സു​വ​ർ​ണ​നേ​ട്ടം. 400 മീ​റ്റ​ർ ഒാ​ട്ട​ത്തി​ൽ 54.21 സെ​ക്ക​ൻ​ഡി​ൽ ഫി​നി​ഷ് െച​യ്താ​ണ് എം.​ജി സ​ർ​വ​ക​ലാ​ശാ​ല​യു​ടെ കോ​ല​ഞ്ചേ​രി സ​െൻറ് പീ​റ്റേ​ഴ്സ് കോ​ള​ജി​ലെ വി.​കെ. ശാ​ലി​നി പൊ​ന്ന​ണി​ഞ്ഞ​ത്. എം.ജിയുടെ തന്നെ ജെറിൻ ജോസഫ്​ വെള്ളി നേടി.

മൂ​ന്നു സ​െൻറ് സ്ഥ​ല​ത്തെ കൊ​ച്ചു​കൂ​ര പ്ര​ള​യ​കാ​ല​ത്തെ മ​ല​വെ​ള്ള​പ്പാ​ച്ചി​ലി​ലും മ​ണ്ണി​ടി​ച്ച​ലി​ലും ത​ക​ർ​ന്ന​തി​െൻറ ക​ണ്ണീ​രി​ൽ​നി​ന്നാ​ണ് ഇ​ടു​ക്കി നെ​ടു​ങ്ക​ണ്ടം സ്വ​ദേ​ശി​നി​യാ​യ 20​കാ​രി ശാലിനി ട്രാ​ക്കി​ൽ തീ​പ​ട​ർ​ത്തി​യ​ത്. നെ​ടു​ങ്ക​ണ്ടം ടൗ​ണി​ല്‍നി​ന്നും അ​ര​മ​ണി​ക്കൂ​ര്‍ മ​ല​ക​യ​റി​വേ​ണം ഇവരുടെ ചെ​മ്പ​ക​ക്കു​ഴി​യി​ലെ വീ​ട്ടി​ലെ​ത്താ​ൻ. വീ​ട് ന​വീ​ക​രി​ക്കാ​ൻ നെ​ടു​ങ്ക​ണ്ടം പ​ഞ്ചാ​യ​ത്തി​ൽ ഉ​ൾ​പ്പെ​ടെ അ​പേ​ക്ഷ ന​ൽ​കി​യെ​ങ്കി​ലും ഇ​തു​വ​രെ പ​രി​ഗ​ണി​ച്ചി​ട്ടി​ല്ല. പി​റ​വം സ്വ​ദേ​ശി​യാ​യ പൂ​ത്തോ​ട്ട ശ്രീ​നാ​രാ​യ​ണ പ​ബ്ലി​ക് സ്കൂ​ളി​ലെ കാ​യി​കാ​ധ്യാ​പ​ക​നാ​യ ജോ​ൺ ബേ​ബി ജോ​സ​ഫ് ദി​വ​സ​വും 25 കി​ലോ​മീ​റ്റ​ർ സ​ഞ്ച​രി​ച്ച് എ​റ​ണാ​കു​ളം മ​ഹാ​രാ​ജാ​സി​ലെ സി​ന്ത​റ്റി​ക് ട്രാ​ക്കി​ലെ​ത്തി​യാ​ണ് ബി.​എ. ഹി​സ്​​റ്റ​റി ര​ണ്ടാം വ​ര്‍ഷ വി​ദ്യാ​ര്‍ഥി​യാ​യ ശാ​ലി​നി​യെ പ​രി​ശീ​ലി​പ്പി​ച്ച​ത്. ഒ​രു വ​ർ​ഷ​മാ​യി വീ​ട്ടി​ൽ പോ​കാ​തെ​യാ​ണ് പ​രി​ശീ​ല​നം ന​ട​ത്തി​യ​ത്. വീ​ട് ത​ക​ർ​ന്ന​തോ​ടെ മാ​താ​വ് ശാ​ന്ത ബ​ന്ധു​വീ​ട്ടി​ലാ​യി.

ശാ​ലി​നി​യു​ടെ ചെ​ല​വു​ക​ളെ​ല്ലാം വ​ഹി​ക്കു​ന്ന​ത് ജോ​ണ്‍ ബേ​ബി ജോ​സ​ഫാ​ണ്. ശാ​ലി​നി​ക്ക് ര​ണ്ടു​വ​യ​സ്സു​ള്ള​പ്പോ​ഴാ​ണ് പി​താ​വ് കൃ​ഷ്ണ​ൻ മ​രി​ക്കു​ന്ന​ത്. പി​ന്നീ​ട് ഏ​ല​ത്തോ​ട്ട​ത്തി​ൽ പോ​യി പ​ണി​യെ​ടു​ത്ത്​ മാ​താ​വ് ശാ​ന്ത ശാ​ലി​നി​യെ​യും സ​ഹോ​ദ​രി ക​വി​ത​യെ​യും വ​ള​ർ​ത്തി. അ​ഖി​ലേ​ന്ത്യ സ​ർ​വ​ക​ലാ​ശാ​ല മീ​റ്റി​ൽ ഇ​ര​ട്ട മെ​ഡ​ലി​നു​ട​മ​യാ​യ ശാ​ലി​നി​ക്ക് കേ​ര​ള​ത്തി​ൽ​നി​ന്നാ​ണ് ഇ​നി പി​ന്തു​ണ വേ​ണ്ട​ത്. 400 മീ​റ്റ​ർ ഹ​ർ​ഡി​ൽ നേ​രി​യ വ്യ​ത്യാ​സ​ത്തി​ൽ ന​ഷ്​​ട​മാ​യ സ്വ​ർ​ണ​മാ​ണ് 400 മീ​റ്റ​റി​ൽ ശാ​ലി​നി തി​രി​ച്ചു​പി​ടി​ച്ച​ത്. ഹ​ർ​ഡി​ൽ​സി​ൽ സ്വ​ർ​ണം നേ​ടി​യ ഭാ​ര​തി​യാ​ർ സ​ർ​വ​ക​ലാ​ശാ​ല​യു​ടെ ആ​ർ. വി​ദ്യ​യെ ഒ​റ്റ​ലാ​പ്പി​ൽ പി​ന്ത​ള്ളി ഇ​ര​ട്ട മെ​ഡ​ൽ നേ​ടി​യ ആ​ദ്യ മ​ല​യാ​ളി താ​ര​മാ​യി.

ഒ​റ്റ​ലാ​പ്പി​ൽ കേ​ര​ള പോ​രാ​ട്ടം
മൂ​ന്നാം ദി​ന​ത്തി​ലെ ഗ്ലാ​മ​ർ പോ​രാ​ട്ട​മാ​യ വ​നി​ത​ക​ളു​ടെ 400 മീ​റ്റ​റി​ൽ കേ​ര​ള താ​ര​ങ്ങ​ളു​ടെ ആ​ധി​പ​ത്യം. മ​ത്സ​രി​ച്ച എ​ട്ടി​ൽ അ​ഞ്ചു​പേ​രും കേ​ര​ള​ത്തി​ലെ താ​ര​ങ്ങ​ളാ​യി​രു​ന്നു. കാ​ലി​ക്ക​റ്റി​െൻറ ഷ​ഹ​ർ​ബാ​ന സി​ദ്ദീ​ഖ്, യു.​വി. ശ്രു​തി​രാ​ജ്, കേ​ര​ള​യു​ടെ അ​ബി​ഗെ​യി​ൽ ആ​രോ​ഗ്യ​നാ​ഥ്, സ്വ​ർ​ണം നേ​ടി​യ എം.​ജി​യു​ടെ വി.​കെ. ശാ​ലി​നി, വെ​ള്ളി നേ​ടി​യ ജെ​റി​ൻ ജോ​സ​ഫ്, എ​ന്നി​വ​രാ​ണ്​ മ​ത്സ​രി​ച്ച​ത്. ശ്രു​തി​രാ​ജ് അ​ഞ്ചാ​മ​താ​യും ഷ​ഹ​ർ​ബാ​ന ആ​റാ​മ​താ​യും അ​ബി​ഗെ​യി​ൽ എ​ട്ടാ​മ​താ​യു​മാ​ണ് ഫി​നി​ഷ് ചെ​യ്ത​ത്.

രണ്ട്​ മീ​റ്റ് റെ​ക്കോ​ഡ്
പു​രു​ഷ​ന്മാ​രു​ടെ ട്രി​പ്​​ൾ ജം​പി​ലും വ​നി​ത​ക​ളു​ടെ ജാ​വ്​​ലി​ൻ ത്രോ​യി​ലും പു​തി​യ മീ​റ്റ് റെ​ക്കോ​ഡ്. പു​രു​ഷ ട്രി​പി​ൾ ജം​പി​ൽ മു​ബൈ സ​ർ​വ​ക​ലാ​ശാ​ല​യു​ടെ ക​ൽ​സ കോ​ള​ജി​ലെ ജെ​യ് ഷാ 16.36 ​മീ​റ്റ​ർ ചാ​ടി റെ​ക്കോ​ഡ്​ കു​റി​ച്ചു.

പോരാട്ടം മാംഗ്ലൂരും എം.ജിയും തമ്മിൽ
മൂ​ഡ​ബി​ദ്രി: മീ​റ്റ്​ മൂ​ന്നു ദി​നം ക​ട​ന്ന​പ്പോ​ൾ ഒാ​വ​റോ​ൾ കി​രീ​ട​പ്പോ​രാ​ട്ട​ത്തി​ൽ എ​തി​രാ​ളി​ക​ളെ പി​ന്ത​ള്ളി മാം​ഗ്ലൂ​രി​​െൻറ കു​തി​പ്പ്. ആ​തി​ഥേ​യ​ർ 88 പോ​യ​ൻ​റ്​ നേ​ടി​യ​പ്പോ​ൾ, ​ര​ണ്ടാ​മ​തു​ള്ള എം.​ജി സ​ർ​വ​ക​ലാ​ശാ​ല​ക്ക്​ 41 പോ​യ​ൻ​റാ​ണു​ള്ള​ത്. പ​ഞ്ചാ​ബി (34) മൂ​ന്നാം സ്​​ഥാ​ന​ത്ത്. വ​നി​ത​ക​ളി​ൽ എം.​ജി​യാ​ണ്​ ഒ​ന്നാ​മ​ത്​ (35 പോ​യ​ൻ​റ്). ഒ​രു പോ​യ​ൻ​റ്​ വ്യ​ത്യാ​സ​ത്തി​ൽ മാം​ഗ്ലൂ​ർ തൊ​ട്ടു​പി​ന്നി​ലു​ണ്ട്. മൂ​ന്നാ​മ​തു​ള്ള കാ​ലി​ക്ക​റ്റി​ന്​ 17 പോ​യ​ൻ​റാ​ണു​ള്ള​ത്. പു​രു​ഷ വി​ഭാ​ഗ​ത്തി​ൽ മാം​ഗ്ലൂ​രി​​െൻറ (54) ഏ​ക​പ​ക്ഷീ​യ കു​തി​പ്പ്.
മീ​റ്റി​െൻറ മൂ​ന്നാം ദി​നം കേ​ര​ള​ത്തി​ൽ​നി​ന്ന്​ എം.​ജി​ക്കു മാ​ത്ര​മാ​ണ് മെ​ഡ​ൽ നേ​ടാ​നാ​യ​ത്. 400 മീ​റ്റ​റി​ല്‍ വി.​കെ. ശാ​ലി​നി സ്വ​ര്‍ണ​വും ജെ​റി​ന്‍ ജോ​സ​ഫ്​ വെ​ള്ളി​യും നേ​ടി. ചൊ​വ്വാ​ഴ്ച 10 ഫൈ​ന​ലു​ക​ളാ​ണ് ന​ട​ക്കു​ക. പു​രു​ഷ​വി​ഭാ​ഗം 1500 മീ​റ്റ​റി​ൽ ഉ​റ​ച്ച മെ​ഡ​ൽ​പ്ര​തീ​ക്ഷ​യു​മാ​യി കേ​ര​ള​യു​ടെ അ​ഭി​ന​ന്ദ് സു​ന്ദ​രേ​ശ​നും വ​നി​ത​ക​ളി​ൽ എം.​ജി​യു​ടെ അ​നു​മോ​ൾ ത​മ്പി​യും കാ​ലി​ക്ക​റ്റി​െൻറ സി. ​ബ​ബി​ത​യും ചൊ​വ്വാ​ഴ്ച​യി​റ​ങ്ങും.