മലപ്പുറം: സ്കൂള്‍ കായിക മേള ഇനി അറിയപ്പെടുക സ്കൂള്‍ കായികോത്സവമെന്ന പേരില്‍. കാലിക്കറ്റ് സര്‍വകലശാല സ്റ്റേഡിയത്തില്‍ ഡിസംബര്‍ മൂന്നിന് ആരംഭിക്കുന്ന ഇത്തവണത്തെ സംസ്ഥാന മീറ്റില്‍ പുതിയ പേര് പ്രാബല്യത്തില്‍ വരുമെന്ന് ഫിസിക്കല്‍ എജുക്കേഷന്‍-സ്പോര്‍ട്സ് ഡെപ്യൂട്ടി ഡയറക്ടര്‍ ഡോ. ചാക്കോ ജോസഫ് അറിയിച്ചു. സര്‍ക്കാര്‍ തലത്തില്‍ എടുത്ത തീരുമാനം തേഞ്ഞിപ്പലത്ത് വെള്ളിയാഴ്ച ചേര്‍ന്ന സംസ്ഥാന മീറ്റ് സംഘാടക സമിതി കണ്‍വീനര്‍മാരുടെ അവലോകനയോഗത്തിലാണ് അദ്ദേഹം പ്രഖ്യാപിച്ചത്. മൂന്നിന് വൈകുന്നേരം 3.30ന് വിദ്യാഭ്യാസമന്ത്രി പ്രഫ. സി. രവീന്ദ്രനാഥാണ് കായികോത്സവം ഉദ്ഘാടനം ചെയ്യുക. ഒളിമ്പ്യന്‍ പി.ടി. ഉഷ മുഖ്യാതിഥിയാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.