ന്യൂയോർക്ക്: സിൻസിനാറ്റി ടൂർണമെൻറിൽ സാനിയ – ബാർബോറ സ്ട്രെക്കോവ സഖ്യത്തിന് കിരീടം. മുൻ പങ്കാളിയായ മാർട്ടിന ഹിങ്കിസ്– വാൻഡ് വേഗ് സഖ്യത്തെയാണ് തോൽപിച്ചത്. 7-5,6-4, സെറ്റുകൾക്കാണ് പരാജയപ്പെടുത്തിയത്. ഇതോടെ ലോക വനിത ഡബിൾ റാങ്കിംഗിൽ സാനിയ – ബാർബോറ സ്ട്രെക്കോവ സഖ്യം ഒന്നാമതെത്തി. സ്വിറ്റ്സർലാൻറിെൻറ ഹിംഗിസുമായി കഴിഞ്ഞ മാസമാണ് സാനിയ മിർസ പിൻമാറിയത്. അതോടെയാണ് സ്ട്രെക്കോവ എന്ന പുതിയ താരത്തെ സാനിയയുടെ പങ്കാളിയായത്. ആദ്യ സെറ്റിൽ 5-1 ന് മുന്നേറിയെങ്കിലും അവസാനം സാനിയ സഖ്യം വിജയം തിരിച്ച് പിടിക്കുകയായിരുന്നു.
41 മത്സരങ്ങളിൽ വിജയം നേടിയ സഖ്യം 3 ഗ്രാന്‍റ് സ്ലാം കിരീടവും സ്വന്തമാക്കിയിരുന്നു. സാനിയ മിർസയെ ഡബിൾസ് റാങ്കിങ്ങിൽ ഒന്നാം സ്ഥാനത്തെത്തിച്ചതും മാർട്ടിന ഹിംഗിസുമായുള്ള കൂട്ടുകെട്ടായിരുന്നു. 2015ല്‍ വിംബിള്‍ഡണ്‍, യു.എസ് ഓപ്പണ്‍ കിരീടങ്ങള്‍ നേടിയ സാനിയ-ഹിംഗിസ് സഖ്യം ഈ വര്‍ഷം ഓസ്ട്രേലിയന്‍ ഓപ്പണ്‍ കിരീടം നേടി. ഇതിനുശേഷം ഇറ്റാലിയന്‍ ഓപ്പണ്‍, സെന്റ് പീറ്റേഴ്സ്ബര്‍ഗ് ഓപ്പണ്‍ കിരീടങ്ങള്‍ സാനിയ – ഹിംഗിസ് സഖ്യം നേടിയിരുന്നു. മൂന്ന് ഗ്രാൻറ് സ്ലാം ഉൾപ്പെടെ 14 കിരീടങ്ങളാണ് ഇൗ സഖ്യം നേടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.