ന്യൂഡൽഹി: ഇന്ത്യ ഒാപൺ സൂപ്പർ സീരീസ് ബാഡ്മിൻറണിൽ പി. കശ്യപും സമീർ വർമയും ക്വാർട്ടറിൽ പ്രവേശിച്ചു. ശ്രേയൻസ് ജയ്സ്വാളിനെ ഒന്നിനെതിരെ രണ്ട് സെറ്റുകൾക്ക് തോൽപിച്ചാണ് കശ്യപ് മൂന്നാം റൗണ്ടിലേക്ക് കുതിച്ചത് (സ്കോർ: 21-19, 19-21, 21-12). പരിക്കിൽനിന്ന് മോചിതനായി തിരിച്ചെത്തിയ സമീർ വർമ 1.20 മണിക്കൂർ നീണ്ടുനിന്ന മൂന്ന് സെറ്റ് പോരാട്ടത്തിനൊടുവിലാണ് വിജയം കണ്ടത്.
മുൻ ലോക മൂന്നാം നമ്പർ താരം ഇന്തോനേഷ്യയുടെ ടോമി സുഗിയാർത്തോയായിരുന്നു എതിരാളി (സ്കോർ: 21-18, 19-21, 21-17). അതേസമയം, സ്വീഡ് ചെയ്യപ്പെടാത്ത മിക്സഡ് ഡബ്ൾസ് ജോടികളായ അശ്വിനി പൊന്നപ്പയും സാത്വിക്സായ്രാജ് രങ്കിറെഡ്ഡിയും മൂന്നാം റൗണ്ടിലെത്തി. മലേഷ്യൻ താരങ്ങളായ ടാൻ കിയാൻ മെങ്ക്-ലായ് പെയ് ജിങ് ജോടികളെ 21-16, 15-21, 23-21 എന്ന സ്കോറിനാണ് ഇന്ത്യൻ സഖ്യം തകർത്തത്. പ്രണവ് ജെറി-സിക്കി റെഡ്ഡി സഖ്യവും ക്വാർട്ടറിൽ ഇടംപിടിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.