ഹൈദരാബാദ്: പോയന്‍റ് പട്ടികയില്‍ മുന്നില്‍ നില്‍ക്കുന്ന ഗുജറാത്ത് ലയണ്‍സിന് തുടര്‍ച്ചയായി മൂന്നാം തോല്‍വി. ഹൈദരാബാദ് സണ്‍റൈസേഴ്സ് അഞ്ചു വിക്കറ്റിനാണ് ഗുജറാത്തിനെ തോല്‍പ്പിച്ചത്. സ്കോര്‍: ഗുജറാത്ത് 20 ഓവറില്‍ ആറിന് 126. ഹൈദരാബാദ് 19 ഓവറില്‍ അഞ്ചിന് 129. 47റണ്‍സെടുത്ത ശിഖര്‍ ധവാനാണ് വിജയശില്‍പി. സീസണില്‍ ആദ്യ മത്സരത്തിനിറങ്ങിയ യുവരാജ് സിങ് അഞ്ചു റണ്‍സെടുത്ത് പുറത്തായി.
കൃത്യതയോടെ പന്തെറിഞ്ഞ ഹൈദരാബാദ് ബൗളിങ് നിര യാണ് ഗുജറാത്തിനെ ഒതുക്കിത്. അര്‍ധസെഞ്ച്വറി നേടിയ ആരോണ്‍ ഫിഞ്ചാണ്(51) ഗുജറാത്ത് നിരയില്‍ തിളങ്ങിയത്.
ഹൈദരാബിനു വേണ്ടി രണ്ടു വിക്കറ്റ് വീതം വീഴ്ത്തിയ മുസ്തഫിസുര്‍ റഹ്മാനും ഭുവനേശ്വര്‍ കുമാറും തിളങ്ങി. മൂന്നാമത്തെ ഓവറിലാണ് ഗുജറാത്ത് സ്കോര്‍ബോര്‍ഡ് തുറക്കുന്നത്. അതേ ഓവറില്‍ ഒരു റണ്‍സെടുത്ത ഡ്വെ്ന്‍ സ്മിത്തിനെ ഭുവനേശ്വര്‍ മുസ്തഫിസുറിന്‍െറ കൈകളിലത്തെിച്ച് വിക്കറ്റ് വേട്ടക്ക് തുടക്കമിട്ടു. ബ്രണ്ടന്‍ മക്കല്ലം (7), ക്യാപ്റ്റന്‍ സുരേഷ് റെയ്ന (20), ദിനേഷ് കാര്‍ത്തിക് (0) എന്നിവര്‍ തിളങ്ങിയില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.