ചരിത്ര വിജയം; ഇന്ത്യക്ക് പരമ്പര ​​

പോ​ർ​ട്ട്​ എ​ലി​സ​ബ​ത്ത്​: ഇതായിരുന്നു  ഇന്ത്യൻ ക്രിക്കറ്റ് കാത്തിരുന്ന നിമിഷം. ദക്ഷിണാഫ്രിക്കൻ മണ്ണിൽ ആദ്യ ഏകദിന പരമ്പര വിജയമെന്ന സ്വപ്​നസാക്ഷാത്​കാരം. നാലാം ഏകദിനത്തിലെ 73 റൺസ്​ വിജയവുമായി ഒരു കളി ബാക്കിനിൽക്കെ ഇന്ത്യ പരമ്പര 4-1ന്​ സ്വന്തമാക്കി. ഒപ്പം ഏകദിന റാങ്കിങ്ങിൽ ഒന്നാം നമ്പർ പദവിയും. 
പോർട്ട്​ എലിസബത്തിലെ സ​െൻറ്​ ജോർജ് പാർക്കിൽ നടന്ന പോരാട്ടത്തിൽ ആദ്യം ബാറ്റ്​ ചെയ്​ത ഇന്ത്യ രോഹിത്​ ശർമയുടെ സെഞ്ച്വറി മികവിൽ ഏഴു വിക്കറ്റ്​ നഷ്​ടത്തിൽ 274 റൺസെടുത്തപ്പോൾ ദക്ഷിണാഫ്രിക്കയുടെ മറുപടി ബാറ്റിങ് 42.2 ഒാവറിൽ 201ന്​ അവസാനിച്ചു.

വി​ദേ​ശ മ​ണ്ണി​ലെ റ​ൺ​വ​ര​ൾ​ച്ച​ക്ക്​ ​ അന്ത്യംകുറിച്ച്​ ​േരാ​ഹി​ത്​ ശ​ർ​മ​ സെ​ഞ്ച്വ​റി​കൊണ്ട്​ കടംവീട്ടിയപ്പോൾ ബൗളർമാർ തങ്ങളുടെ ജോലിയും ഭംഗിയാക്കി. ഹാഷിം അംല (71) വന്മതിലായി നിലയുറപ്പിച്ച അങ്കത്തിൽ വീണ്ടുമൊരിക്കൽക്കൂടി സ്​പിന്നർമാരെ ഉപയോഗിക്ക്​ ഇന്ത്യ കളി പിടിച്ചെടുത്തു. പരമ്പരയിലൂടനീളം ദക്ഷിണാഫ്രിക്കൻ ബാറ്റിങ്​ നിരയുടെ അന്തകരായ കുൽദീപ്​ യാദവും (4 വിക്കറ്റ്​), യുസ്​വേന്ദ്ര ചഹലും (2) ചേർന്ന്​ പത്തിൽ ആറു പേരെയും മടക്കി അയച്ചു. ഹാർദിക്​ പാണ്ഡ്യ രണ്ടും ബുംറ ഒരു വിക്കറ്റും വീഴ്​ത്തി. ​എയ്​ഡൻ മർക്രം (32), ഡേവിഡ്​ മില്ലർ (36), ഹ​െൻറിച്​ ക്ലാസൻ (39) എന്നിവരിലൂടെ ദക്ഷിണാഫ്രിക്ക തിരിച്ചടിച്ചപ്പോൾ കളി കൈവിടുമെന്ന്​ പ്രതീക്ഷിച്ചെങ്കിലും നിർണായക സമയങ്ങളിൽ വിക്കറ്റുകൾ വീഴ്​ത്തിയ സ്​പിന്നർമാർ ഇന്ത്യൻ വിജയത്തിന്​ ചുക്കാൻ പിടിച്ചു. 

ഒടുവിൽ രോഹിത്​​
ദക്ഷിണാഫ്രിക്ക​ക്ക്​ മുന്നിൽ കവാത്ത്​ മറക്കുന്നവൻ എന്ന പേരു​േദാഷം മാറ്റിയാണ്​ രോഹിത്​ ശർമ ഇന്ത്യൻ ഇന്നിങ്​സി​​െൻറ ന​െട്ടല്ലായി മാറിയത്.  അ​ടി​ത്ത​റ​യൊ​രു​ക്കി​യ ശി​ഖ​ർ ധ​വാ​നും​ (23 പ​ന്തി​ൽ 34) ഇ​ഴ​ഞ്ഞു​നീ​ങ്ങി​യ വി​രാ​ട്​ കോ​ഹ്​​ലി​യും (54 പ​ന്തി​ൽ 36)  പ്ര​തി​രോ​ധി​ച്ച്​ നി​ന്ന ശ്രേ​യ​സ്​ അ​യ്യ​രു​മൊ​ഴി​ച്ചാ​ൽ (37 പ​ന്തി​ൽ 30) ഇ​ന്ത്യ​ൻ ബാ​റ്റി​ങ്ങി​ൽ​ രോ​ഹി​ത്​ ശ​ർ​മ മാ​ത്ര​മാ​യി​രു​ന്നു താ​രം. 

വി​ദേ​ശ വി​ക്ക​റ്റി​ൽ കൊ​ള്ള​രു​താ​ത്ത​വ​നെ​ന്ന ചീ​ത്ത​പ്പേ​രു​മാ​യാ​ണ്​ പോ​ർ​ട്ട്​​എ​ലി​സ​ബ​ത്തി​ൽ രോ​ഹി​ത്​ ബാ​റ്റി​ങ്​ തു​ട​ങ്ങി​യ​ത്. ദ​ക്ഷി​ണാ​ഫ്രി​ക്ക​ക്കെ​തി​രെ വി​ദേ​ശ​ത്ത്​ 12 മ​ത്സ​രം ക​ളി​ച്ചി​ട്ടും ​േരാ​ഹി​തി​​െൻറ ആ​കെ സ​മ്പാ​ദ്യം 126 റ​ൺ​സാ​യി​രു​ന്നു. ഇ​തി​നെ​ല്ലാം മ​റു​പ​ടി​യൊ​രു​ക്കി നാ​ലു സി​ക്​​സി​​െൻറ​യും 11 ഫോ​റി​​െൻറ​യും അ​ക​മ്പ​ടി​യോ​ടെ 126 പ​ന്തി​ലാ​ണ്​ 115 റ​ൺ​സെ​ടു​ത്ത​ത്. ത​േ​ൻ​റ​ത​ല്ലാ​ത്ത കാ​ര​ണ​ത്താ​ൽ വി​രാ​ട്​ കോ​ഹ്​​ലി​യും ര​ഹാ​നെ​യും (എ​ട്ട്) റ​ണ്ണൗ​ട്ടാ​കു​ന്ന​തി​ന്​ സാ​ക്ഷി​യാ​വേ​ണ്ടി വ​ന്ന​തി​​െൻറ ഭാ​ര​വും പേ​റി​യാ​ണ്​ രോ​ഹി​ത്​ ബാ​റ്റ്​ ചെ​യ്​​ത​ത്. 97ൽ ​നി​ൽ​ക്കെ തേ​ർ​ഡ്​ മാ​നി​ൽ ക്യാ​ച്ച്​ വി​ട്ടു​ക​ള​ഞ്ഞ ത​ബ്​​റീ​സ്​ ഷം​സി​ക്കു​കൂ​ടി ന​ന്ദി​പ​റ​യ​ണം ഇൗ 17ാം ​സെ​ഞ്ച്വ​റി​ക്ക്. 

ക​ഴി​ഞ്ഞ ക​ളി​യി​ൽ​നി​ന്ന്​ ഏ​റെ വ്യ​ത്യ​സ്​​ത​മാ​യി​രു​ന്നി​ല്ല ഇ​ന്ത്യ​ൻ ഇ​ന്നി​ങ്​​സ്. മി​ക​ച്ച തു​ട​ക്കം കി​ട്ടി​യി​ട്ടും ഡെ​ത്ത്​ ഒാ​വ​റു​ക​ളി​ൽ ഇ​ഴ​ഞ്ഞു​നീ​ങ്ങി​യ ഇ​ന്ത്യ അ​വ​സാ​ന പ​ത്ത്​ ഒാ​വ​റി​ൽ നേ​ടി​യ​ത്​ 55 റ​ൺ​സ്​ മാ​ത്രം. ​ജൊ​ഹാ​ന​സ്​​ബ​ർ​ഗി​ൽ 59 റ​ൺ​സാ​യി​രു​ന്നു. കൈ​വി​ട്ട ക​ളി​യി​ലേ​ക്ക്​ അ​പ്ര​തീ​ക്ഷി​ത​മാ​യി ദ​ക്ഷി​ണാ​ഫ്രി​ക്ക​യെ തി​രി​ച്ചെ​ത്തി​ച്ച​ത്​ ലു​ങ്കി എ​ൻ​ഗി​ഡി​യു​ടെ പ്ര​ക​ട​ന​മാ​ണ്. 51 റ​ൺ​സ്​ വ​ഴ​ങ്ങി നാ​ലു വി​ക്ക​റ്റെ​ടു​ത്ത എ​ൻ​ഗി​ഡി​യു​ടെ 43ാം ഒാ​വ​റി​ൽ രോ​ഹി​തും ഹാ​ർ​ദി​ക്​ പാ​ണ്ഡ്യ​യും (പൂ​ജ്യം) തൊ​ട്ട​ടു​ത്ത പ​ന്തു​ക​ളി​ൽ മ​ട​ങ്ങി. പ​തി​വു​പോ​ലെ മെ​ല്ലെ തു​ട​ങ്ങി​യ ധോ​ണി (17 പ​ന്തി​ൽ 13) ക​ത്തി​ക്ക​യ​റാ​തെ എ​രി​ഞ്ഞ​ട​ങ്ങി. 20 പ​ന്തി​ൽ 19 റ​ൺ​സെ​ടു​ത്ത ഭു​വ​നേ​ശ്വ​റാ​യി​രു​ന്നു ഭേ​ദം. കു​ൽ​ദീ​പ്​ (ര​ണ്ട്) പു​റ​ത്താ​വാ​തെ നി​ന്നു.

ക​ഴി​ഞ്ഞ ക​ളി​യി​ൽ​നി​ന്ന്​ മാ​റ്റ​ങ്ങ​ളൊ​ന്നു​മി​ല്ലാ​തെ​യാ​ണ്​ കോ​ഹ്​​ലി ടീ​മി​നെ ഇ​റ​ക്കി​യ​ത്. പ​രി​ക്കേ​റ്റ ഒാ​ൾ​റൗ​ണ്ട​ർ മോ​റി​സി​ന്​ പ​ക​രം സ്​​പി​ന്ന​ർ ത​ബ്​​രി​സ്​ ഷം​സി ദ​ക്ഷി​ണാ​ഫ്രി​ക്ക​ൻ നി​ര​യി​ൽ ഇ​ടം​പി​ടി​ച്ചു. ​ടോ​സ്​ ദ​ക്ഷി​ണാ​ഫ്രി​ക്ക​ക്കാ​യി​രു​ന്നെ​ങ്കി​ലും ബൗ​ളി​ങ്​ തി​ര​ഞ്ഞെ​ടു​ക്കു​ക​യാ​യി​രു​ന്നു.