അബൂദബി: തുടർച്ചയായ രണ്ടാം മത്സരത്തിലും സെഞ്ച്വറി നേടിയ ക്യാപ്റ്റൻ ആരോൺ ഫിഞ്ചിെ ൻറ (153*) കരുത്തിൽ പാകിസ്താനെതിരായ ഏകദിന പരമ്പരയിൽ ആസ്ട്രേലിയക്ക് തുടർച്ചയായ രണ്ടാം ജയം. രണ്ടാം ഏകദിനത്തിൽ എട്ടു വിക്കറ്റിനായിരുന്നു ഒാസീസ് വിജയം.
ആദ്യം ബാറ്റുചെയ്ത പാകിസ്താൻ 50 ഒാവറിൽ ഏഴു വിക്കറ്റിന് 284 റൺസടിച്ചപ്പോൾ ആസ്ട്രേലിയ 13 പന്ത് ബാക്കിയിരിക്കെ രണ്ട് വിക്കറ്റ് നഷ്ടത്തിൽ ലക്ഷ്യത്തിലെത്തി. 143 പന്തിൽ ആറ് സിക്സും 11 ബൗണ്ടറിയുമടക്കം 153 റൺസടിച്ച ഫിഞ്ച് 13ാം സെഞ്ച്വറിയാണ് കുറിച്ചത്.
88 റൺസെടുത്ത ഉസ്മാൻ ഖ്വാജയോടൊപ്പം (88) ഒാപണിങ് വിക്കറ്റിൽ ഫിഞ്ച് 209 റൺസ് ചേർത്തപ്പോൾ ഒാസീസ് ജയമുറപ്പിച്ചു. കന്നി സെഞ്ച്വറി നേടിയ മുഹമ്മദ് രിസ്വാൻ (115) ആണ് പാക് ഇന്നിങ്സിന് മാന്യത നൽകിയത്. മൂന്നാം ഏകദിനം ബുധനാഴ്ച നടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.