നാഗ്പൂർ: രണ്ടാം ടെസ്റ്റിൽ മിന്നുന്ന വിജയം സ്വന്തമാക്കിയ ഇന്ത്യൻ ടീം നിരവധി റെക്കോർഡുകളും സൃഷ്ടിച്ചാണ് നാഗ്പൂരിൽ നിന്നും മടങ്ങുന്നത്. വിരാട് കോഹ്ലിക്ക് പുറമെ രവിചന്ദ്ര അശ്വിനും തെൻറ കരിയറിൽ പുതിയ പൊൻതൂവൽ ചാർത്തിയിരിക്കുകയാണ്.
ടെസ്റ്റിൽ വേഗത്തിൽ 300 വിക്ക്റ്റ് നേടുന്ന താരമാണ് ഇനിമുതൽ ഇൗ തമിഴ്നാട്ടുകാരൻ. 54 ടെസ്റ്റിൽ നിന്നും 300 വിക്കറ്റുകൾ നേടിയ ഇൗ വലെങ്കയ്യൻ ഒാഫ് സ്പിന്നർ ആസ്ട്രേലിയയുടെ വിഖ്യാത ബൗളർ ഡെന്നിസ് ലില്ലിയുടെ റെക്കോർഡാണ് തകർത്തത്. 56 മാച്ചുകളിൽ നിന്നുമാണ് ലില്ലി 300 വിക്കറ്റ് നേട്ടം കൊയ്തത്.
നാഗ്പൂർ ടെസ്റ്റിലെ നാലാം ദിനമായ ഇന്ന് ലങ്കയുടെ നാല് വിക്കറ്റ് കൊയ്താണ് അശ്വിൻ കരിയറിലെ വിക്കറ്റ് നേട്ടം മുന്നൂറിലെത്തിച്ചത്.
നേരത്തെ ലില്ലിയുടെ വേഗത്തിലുള്ള 250 വിക്കറ്റ് നേട്ടമെന്ന റെക്കോർഡും അശ്വിൻ തകർത്തിരുന്നു. 45 ടെസ്റ്റുകളിൽ നിന്നുമാണ് അശ്വിൻ 250 ലേക്കെത്തിയത്. അതേ സമയം 250 വിക്കറ്റ് നേടാൻ ലില്ലിക്ക് 48 ടെസ്റ്റ് കളിക്കേണ്ടി വന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.