ജൊഹന്നാസ്ബർഗ്: ആദ്യ ട്വൻറി20ൽ ദക്ഷിണാഫ്രിക്കയെ 107 റൺസിന് തകർത്ത് ഓസീസ് തുടക്കം ഗംഭീരമാക്കി. ആദ്യം ബാറ്റ് ചെയ്ത ഓസ്ട്രേലിയ ഉയർത്തിയ 196റൺസിെൻറ കൂറ്റൻ സ്കോർ പിന്തുടർന്നിറങ്ങിയ ദക്ഷിണാഫ്രിക്കക്ക് വെറും 89 റൺസ് എടുക്കാനേ സാധിച്ചുള്ളൂ. അഞ്ച് വിക്കറ്റിനൊപ്പം 9 പന്തിൽ നിന്നും 20 റൺസെടുത്ത എടുത്ത ആഷ്ടൺ ആഗറാണ് ഓസീസ് വിജയം എളുപ്പമാക്കിയത്.
ആദ്യം ബാറ്റ് ചെയ്ത ഓസീസിന് വേണ്ടി ക്യാപ്റ്റൻ ആരോൺഫിഞ്ച് 42റൺസും സ്റ്റീവൻ സ്മിത്ത് 45 റൺസുമെടുത്തു. 24 റൺസെടുത്ത ഫാഫ് ഡുെപ്ലസിയാണ് ദക്ഷിണാഫ്രിക്കൻ നിരയിൽ ടോപ്പ് സ്കോററായത്. പരമ്പരയിലെ രണ്ടാം മത്സരം നാളെ പോർട് എലിസബത്തിൽ അരങ്ങേറും. പോയ വാരത്തിൽ സമാപിച്ച ഇംഗ്ലണ്ടിനെതിരെയുള്ള ട്വൻറി20 പരമ്പരയിൽ 2-1ന് ദക്ഷിണാഫ്രിക്ക പരാജയപ്പെട്ടിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.