റാഞ്ചി: ഫ്രീഡം പരമ്പരയിലെ മൂന്നാം ടെസ്റ്റിെൻറ മൂന്നാംദിനം 16 ദക്ഷിണാഫ്രിക്കൻ വിക്കറ ്റുകൾ എറിഞ്ഞിട്ട് ബൗളർമാർ ഇന്ത്യയെ ഇന്നിങ്സ് വിജയത്തിെൻറ വക്കിലെത്തിച്ചു. ഇന്ത്യയുടെ ആദ്യ ഇന്നിങ്സ് സ്കോറായ 497ന് മറുപടിയായി ആദ്യ ഇന്നിങ്സിനിറങ്ങിയ സന്ദർശകരെ 162 റൺസിലൊതുക്കിയ കോഹ്ലിപ്പട അവരെ ഫോളോഓണിനയച്ചു.
335 റൺസ് കടവുമായി രണ്ടാമതും പാഡുകെട്ടിയിറങ്ങിയ ആഫ്രിക്കക്കാർ എട്ടിന് 132 റൺസെന്ന നിലയിൽ ഇന്നിങ്സ് തോൽവിയുടെ വക്കിലാണ്. ടെസ്റ്റ് ചരിത്രത്തിലെ മൂന്നാമത്തെ കൺകഷൻ സബായി ത്യൂനിസ് ഡിബ്രൂയിനും (30) ആൻറിച്ച് നോർയെയുമാണ് (5) ക്രീസിൽ. രണ്ട് ദിവസവും രണ്ടുവിക്കറ്റും കൈയിലിരിക്കേ ഇന്നിങ്സ് തോൽവി ഒഴിവാക്കാൻ സന്ദർശകർക്ക് 203 റൺസ്കൂടി വേണം. പേസ് ബൗളർമാരായ മുഹമ്മദ് ഷമിയും ഉമേഷ് യാദവുമാണ് ദക്ഷിണാഫ്രിക്കൻ നിരക്ക് കൂടുതൽ ആഘാതമേൽപിച്ചത്. ഇതോടെ പരമ്പരയിലെ ആദ്യ രണ്ട് മത്സരവും ജയിച്ച ഇന്ത്യ പരമ്പര തൂത്തുവാരുമെന്നുറപ്പായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.