ബ്വേനസ് എയ്റിസ്: ലോകകപ്പ് യോഗ്യതാ റൗണ്ടില്‍ ബ്രസീലിനെ നേരിടുന്ന അര്‍ജന്‍റീന ടീമിനെ പരിക്ക് വേട്ടയാടുന്നു. ലയണല്‍ മെസ്സിയും സെര്‍ജിയോ അഗ്യൂറോയുമില്ലാത്ത ടീമിന്‍െറ ആക്രമണ നായകനാവുമെന്ന് കരുതിയ കാര്‍ലോസ് ടെവസും വെള്ളിയാഴ്ച പുലര്‍ച്ചെയിലെ സൂപ്പര്‍ ക്ളാസികോയില്‍ അര്‍ജന്‍റീന നിരയിലുണ്ടാവില്ളെന്നാണ് സൂചന.
അതേസമയം, ഇക്കാര്യം കോച്ച് ജെറാര്‍ഡോ മാര്‍ട്ടിനോ സ്ഥിരീകരിച്ചിട്ടില്ല. സ്പാനിഷ് ലാ ലിഗ മത്സരത്തിനിടെ കാല്‍മുട്ടിനേറ്റ പരിക്കാണ് മെസ്സിക്ക് തിരിച്ചടിയായത്. ഇടതു കാല്‍വണ്ണക്ക് പരിക്കേറ്റ അഗ്യുറോയും നേരത്തേതന്നെ ടീമിന് പുറത്താണ്. പ്രമുഖരുടെ അസാന്നിധ്യത്തില്‍ ഗോണ്‍സാലോ ഹിഗ്വെ്ന്‍, എയ്ഞ്ചല്‍ ഡി മരിയ, എസിക്വേല്‍ ലാവെസ്സി, എയ്ഞ്ചല്‍ കൊറീയ, നികോളസ് ഗെയ്റ്റാന്‍ എന്നിവരാവും അര്‍ജന്‍റീനയുടെ താരങ്ങള്‍. അതേസമയം, ദീര്‍ഘ സസ്പെന്‍ഷനും കഴിഞ്ഞ് നെയ്മറിനു കീഴിലാവും ബ്രസീല്‍ ലോകം കാത്തിരിക്കുന്ന പോരാട്ടത്തിനിറങ്ങുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.