സിലിഗുഡി: സീസണിലെ കിരീടം ഉറപ്പിച്ച ബംഗളൂരു എഫ്.സിക്ക് മോഹന്‍ ബഗാനെതിരെ 5-0ത്തിന്‍െറ വമ്പന്‍ തോല്‍വി. വിദേശ താരങ്ങളുടെ കരുത്തിലാണ് മോഹന്‍ബഗാന്‍ ചാമ്പ്യന്മാരെ ഞെട്ടിച്ചത്. ട്രിനിഡാഡ്-ടുബേഗോ താരം കോര്‍ണല്‍ ഗ്ളെന്‍ ഡബ്ള്‍ നേടിയ മത്സരത്തില്‍ ഇന്ത്യന്‍ താരങ്ങളായ ലെനി റോഡ്രിഗസ്, അസ്ഹറുദ്ദീന്‍ മാല്ലിക്, ബ്രസീല്‍ താരം ലൂസിയാനോ സബ്രോസ എന്നിവരാണ് വല കുലുക്കിയത്.എട്ട്, 66 മിനിറ്റുകളിലായിരുന്നു ഗ്ളെന്നിന്‍െറ ഗോള്‍നേട്ടം. 51ാം മിനിറ്റില്‍ പ്രതിരോധതാരം കീഗന്‍ പെരേര രണ്ട് മഞ്ഞക്കാര്‍ഡ് കണ്ട് പുറത്തുപോയതാണ് ബംഗളൂരുവിന് തിരിച്ചടിയായത്. സൂപ്പര്‍താരം സുനില്‍ ഛേത്രിയെ കോച്ച് മൈതാനത്തിറക്കിയില്ല. പോയന്‍റ് പട്ടികയില്‍ രണ്ടാമതായി മോഹന്‍ ബഗാന്‍ സീസണ്‍ അവസാനിച്ചു. മറ്റൊരു മത്സരത്തില്‍ സ്പോര്‍ട്ടിങ് ഗോവ 3-0ത്തിന് സല്‍ഗോക്കറിനെയും തോല്‍പിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.