ലണ്ടന്‍: ഇംഗ്ളീഷ് പ്രീമിയര്‍ ലീഗില്‍ ആഴ്സനല്‍, ലിവര്‍പൂള്‍, ചെല്‍സി ടീമുകള്‍ക്ക് ജയം. ലെസ്റ്റര്‍ സിറ്റിയെ ഒന്നിനെതിരെ രണ്ടു ഗോളുകള്‍ക്കാണ് ആഴ്സനല്‍ തോല്‍പ്പിച്ചത്. 45ാം മിനിറ്റില്‍ ജെയ്മി വാര്‍ദി ലെസ്റ്ററിനെ മുന്നിലത്തെിച്ചെങ്കിലും 70ാം മിനിറ്റില്‍ തിയോ വാല്‍ക്കോട്ടിലൂടെയും കളിതീരാന്‍ നിമിഷങ്ങള്‍ ശേഷിക്കെ ഡാനി വെല്‍ബെക്കിലൂടെയും ആഴ്സനല്‍ തിരിച്ചടിക്കുകയായിരുന്നു. ജയത്തോടെ 26 കളികളില്‍ 51 പോയന്‍റായ ആഴ്സനല്‍ ഒന്നാമതുള്ള ലെസ്റ്ററുമായുള്ള വ്യത്യാസം രണ്ട് പോയന്‍റാക്കി കുറച്ചു. മറ്റൊരു മത്സരത്തില്‍ 6-0ത്തിന് ലിവര്‍പൂള്‍ ആസ്റ്റണ്‍ വില്ലയെ തകര്‍ത്തു. ചെല്‍സി ശനിയാഴ്ച ന്യൂകാസില്‍ യുനൈറ്റഡിനെ സ്വന്തം തട്ടകത്തില്‍ 5-1ന് തകര്‍ത്തുവിട്ടു. ഈ ജയത്തോടെ 26 മത്സരങ്ങളില്‍ നിന്ന് 33 പോയന്‍റുമായി ചെല്‍സി 12ാം സ്ഥാനത്തത്തെി. അഞ്ചാം മിനിറ്റില്‍ ഡീഗോ കോസ്റ്റ തുടങ്ങിവെച്ച ഗോള്‍വേട്ടയില്‍ ഇരട്ടഗോളുകളുമായി പെഡ്രോ (9', 59'), വില്യന്‍(17'), ടീമിനായി കന്നിഗോളുമായി ബെര്‍ട്രാഡ് ട്രോര്‍ (83') എന്നിവര്‍ പങ്കാളികളായി. 90ാം മിനിറ്റില്‍ ആഡ്രോസ് ടൗണ്‍സെന്‍ഡ് ആണ് ന്യൂകാസിലിന്‍െറ ആശ്വാസഗോള്‍ നേടിയത്. അതേസമയം, മാഞ്ചസ്റ്റര്‍ യുനൈറ്റഡിന് സണ്ടര്‍ലന്‍ഡില്‍നിന്ന്് 2-1ന്‍െറ അപ്രതീക്ഷിത അട്ടിമറി. വാഹ്ബി കാസ്റിയുടെ ഗോളിലൂടെ മൂന്നാം മിനിറ്റില്‍ പിന്നാക്കംപോയ യുനൈറ്റഡിനെ 39ാം മിനിറ്റില്‍ മാര്‍ഷ്യല്‍ ഒപ്പമത്തെിച്ചെങ്കിലും 82ാം മിനിറ്റിലെ ഗോളി ഡേവിഡ് ഡി ഗിയയുടെസെല്‍ഫ് ഗോള്‍ യുനൈറ്റഡിന്‍െറ കഥകഴിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.