ലണ്ടന്‍: എഫ്.എ കപ്പില്‍ മാഞ്ചസ്റ്റര്‍ യുനൈറ്റഡിന് മൂന്നു ഗോള്‍ ജയം. ഷ്രൂസ്ബറി ടൗണിനെ വീഴ്ത്തിയാണ് യുനൈറ്റഡ് ക്വാര്‍ട്ടറില്‍ ഇടംനേടിയത്. തുടര്‍ച്ചയായി രണ്ടു തോല്‍വികള്‍ക്കു പിന്നാലെയിറങ്ങിയ യുനൈറ്റഡിനെ 37ാം മിനിറ്റില്‍ ക്രിസ് സ്മാളിങ്ങാണ് മുന്നിലത്തെിച്ചത്. യുവാന്‍മാട്ട, ജെസി ലിന്‍ഗാര്‍ഡ് എന്നിവരുടെ വകയായിരുന്നു മറ്റ് രണ്ടു ഗോളുകള്‍. പ്രീമിയര്‍ ലീഗില്‍ സണ്ടര്‍ലന്‍ഡിനോടും യൂറോപ ലീഗില്‍ മിറ്റിലാന്‍ഡിനോടും തോറ്റ് സമ്മര്‍ദത്തിലായ യുനൈറ്റഡിനും കോച്ച് വാന്‍ഗാലിനും ആശ്വാസം നല്‍കുന്നതാണ് ഈ ജയം. വെസ്റ്റ്ഹാം യുനൈറ്റഡാണ് ക്വാര്‍ട്ടറില്‍ മാഞ്ചസ്റ്റര്‍ യുനൈറ്റഡിന്‍െറ എതിരാളി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.