റിയോ ഡെ ജനീറോ: ഇന്ത്യന്‍ സൂപ്പര്‍ ലീഗിലെ (ഐ.എസ്.എല്‍) സൂപ്പര്‍ താരങ്ങളിലൊരാളായ ചെന്നൈയിന്‍ എഫ്.സിയുടെ ജോണ്‍ സ്റ്റീവന്‍ മെന്‍ഡോസ ന്യൂയോര്‍ക് സിറ്റി എഫ്.സിയില്‍ ചേക്കേറുന്നു. അമേരിക്കയിലെ മേജര്‍ ലീഗ് സോക്കറിലെ പ്രമുഖ ടീമായ ന്യൂയോര്‍ക് സിറ്റി എഫ്.സിയില്‍ ചേരുന്ന കാര്യം നിലവിലെ ക്ളബായ കൊറിന്ത്യന്‍സാണ് വെളിപ്പെടുത്തിയത്. അമേരിക്കന്‍ ക്ളബിലേക്ക് വായ്പാ അടിസ്ഥാനത്തിലാണ് കൊളംബിയന്‍ സ്ട്രൈക്കറായ മെന്‍ഡോസയെ വിടുന്നത്. ആന്ദ്രെ പിര്‍ലോ, ഫ്രാങ്ക് ലാംപാര്‍ഡ്, ഡേവിഡ് വിയ്യ എന്നിവരും ന്യൂയോര്‍ക് സിറ്റി എഫ്.സി ടീമിലുണ്ട്. അടുത്ത സീസണില്‍ ഐ.എസ്.എല്ലില്‍ ഈ താരം കളിക്കുമോയെന്ന് ഉറപ്പായിട്ടില്ല. ഏറെ ആരാധകരുള്ള ഇയാന്‍ ഹ്യൂം അടുത്ത സീസണില്‍ കളിക്കില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.