ഗുവാഹതി: ഇന്ത്യന്‍ സൂപ്പര്‍ ലീഗിന്‍െറ (ഐ.എസ്.എല്‍) മൂന്നാം സീസണിലേക്ക് നോര്‍ത് ഈസ്റ്റ് യുനൈറ്റഡിന്‍െറ മുഖ്യപരിശീലകനായി ബ്രസീലുകാരന്‍ സെര്‍ജിയോ ഫാരിയസിനെ നിയമിച്ചു. 48കാരനായ ഫാരിയസ് മുമ്പ് ബ്രസീല്‍ അണ്ടര്‍ 20, അണ്ടര്‍ 17 ടീമുകളെ പരിശീലിപ്പിച്ചിട്ടുണ്ട്. അണ്ടര്‍ 20 തലത്തില്‍ റൊണാള്‍ഡീന്യോ, ലൂസിയോ, ഡീഗോ എന്നിവരെ പരിശീലിപ്പിച്ചിട്ടുണ്ട്.
2009ല്‍ ദക്ഷിണ കൊറിയന്‍ ടീമായ പൊഹാങ് സ്റ്റീലേഴ്സിനെ എ.എഫ്.സി ചാമ്പ്യന്‍സ് ലീഗില്‍ ജേതാക്കളാക്കിയതിന് പിന്നില്‍ ഫാരിയസിന്‍െറ പരിശീലക മികവായിരുന്നു. കൊറിയന്‍ ലീഗിലും ക്ളബിനെ ജേതാക്കളാക്കിയ ഫാരിയസിന് കൊറിയയിലെ മികച്ച പരിശീലകനുള്ള പുരസ്കാരവും കിട്ടി. ക്ളബ് ലോകകപ്പില്‍ പൊഹാങ്ങിനെ മൂന്നാം സ്ഥാനത്തത്തെിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.