െഎസോൾ: സൂപ്പർ കപ്പ് മോഹവുമായി െഎസോളിനെതിരെ എവേ മത്സരത്തിനിറങ്ങിയ ഗോകുലം കേരള എഫ്.സിക്ക് തിരിച്ചടി. നിലവിലെ ചാമ്പ്യന്മാരെ അട്ടിമറിച്ച് പോയൻറ് പട്ടികയിൽ മുന്നേറാമെന്ന കണക്കുകൂട്ടൽ തെറ്റിച്ച്, ഗോകുലത്തെ 3-1ന് െഎസോൾ തോൽപിച്ചു.
60 മിനിറ്റുവരെ ഒരു ഗോളിന് മുന്നിൽ നിന്നിരുന്നെങ്കിലും അവസാന സമയത്ത് ഗോകുലം പ്രതിരോധം തകർത്ത് െഎസോൾ ഗോൾ നേടുകയായിരുന്നു. സീസണിലെ അവസാന മത്സരത്തിൽ ശക്തരായ മോഹൻബഗാനെ ഹോം ഗ്രൗണ്ടിൽ തോൽപിക്കുകയും ഷില്ലോങ്, ഇൗസ്റ്റ് ബംഗാളിനോട് തോൽക്കുകയും ചെയ്താൽ മാത്രമേ ഗോകുലത്തിന് ഇനി സൂപ്പർ കപ്പ് സാധ്യതയുള്ളൂ. ഇൗ മാസം ആറിനാണ് മത്സരം.
17 മത്സരങ്ങളിൽ 20 പോയൻറുമായി ഏഴാം സ്ഥാനത്താണ് ഗോകുലം. അവസാന മത്സരത്തിൽ തകർപ്പൻ ജയത്തോടെ 24 പോയൻറുമായി െഎസോൾ സീസൺ അവസാനിപ്പിച്ചു.
ചർച്ചിൽ ബ്രദേഴ്സിനെതിരെ സമനിലയിൽ കുരുങ്ങിയ ടീമിൽനിന്ന് ഒരേയൊരു മാറ്റവുമായാണ് ഗോകുലം കോച്ച് ബിനോ ജോർജ് ടീമിനെ ഇറക്കിയത്. പതുക്കെ കളി കൈയിലെടുത്ത് മുന്നേറിയ ഗോകുലം 25ാം മിനിറ്റിൽ െപനാൽറ്റിയിലൂടെ മുന്നിലെത്തി. ബോക്സിൽ എതിർ താരത്തിെൻറ കൈയിൽ പന്തു തട്ടിയതിനാണ് ഗോകുലത്തിന് പെനാൽറ്റിയെത്തിയത്.
കിക്കെടുത്ത മഹ്മൂദ് അൽ അജ്മി ഗോളാക്കുകയും ചെയ്തു. ഇൗ ഗോളിൽ ഏറെസമയം ഗോകുലം പിടിച്ചുനിന്നെങ്കിലും അവസാനം പ്രതിരോധം പാളി. ലിയോൺസ് ഡോടോസ് (60, 74)), ലാൽക് വാപുമാവിയ (78) എന്നിവരുടെ ഗോളിൽ ഗോകുലം കളി കൈവിട്ട് തോൽവി ഉറപ്പിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.