കൊച്ചി: ഇയാൻ ഹ്യൂം കേരള ബ്ലാസ്റ്റേഴ്സ് വിട്ടു. ഇൻസ്റ്റഗ്രാമിലൂടെ ഹ്യൂം തന്നെയാണ് ഇക്കാര്യം അറിയിച്ചത്. ബ്ലാസ്റ്റേഴ്‌സില്‍ കളിക്കാന്‍ ആഗ്രഹിച്ചിരുന്നെങ്കിലും മാനേജ്മെൻറ് വ്യത്യസ്ത തീരുമാനമെടുക്കുകയായിരുന്നെന്ന് ഹ്യൂം വ്യക്തമാക്കി. അതേസമയം, ടീം മാനേജ്മെൻറ് ഇക്കാര്യത്തിൽ പ്രതികരിച്ചിട്ടില്ല.
ബ്ലാസ്റ്റേഴ്സ് വിട്ടശേഷം നിശ്ശബ്ദത പാലിച്ചതിന് ക്ഷമ ചോദിച്ചാണ് ഹ്യൂം കുറിപ്പ് ആരംഭിക്കുന്നത്. ആദ്യസീസൺ മുതൽ പ്രോത്സാഹിപ്പിക്കുകയും പിന്തുണക്കുകയും ചെയ്ത ആരാധകരെ പ്രശംസകൊണ്ട് മൂടിയാണ് ഹ്യൂം കുറിപ്പ് അവസാനിപ്പിക്കുന്നത്. ആദ്യസീസണിൽ ബ്ലാസ്റ്റേഴ്സിലൂടെയായിരുന്നു ഹ്യൂമിെൻറ ഐ.എസ്.എൽ അരങ്ങേറ്റം. അടുത്ത രണ്ടു സീസണിൽ കൊൽക്കത്തക്കായി കളിച്ചു. ശേഷം നാലാം സീസണിലാണ് കേരള ടീമിൽ തിരിച്ചെത്തിയത്. ഹാട്രിക് നേടിയെങ്കിലും പരിക്ക് വില്ലനായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.