പുണെ: കഴിഞ്ഞ െഎ.എസ്.എല്ലിൽ ഡൽഹി ഡൈനാമോസ് താരമായിരുന്ന സ്പാനിഷ് ഡിഫൻസീവ് മിഡ്ഫീൽഡർ മാർകോസ് ടെബറുമായി പുണെ എഫ്.സി കരാറിലൊപ്പിട്ടു. റയൽ മഡ്രിഡ് ഫുട്ബാൾ അക്കാദമിയിലൂടെയാണ് മാർകോസ് ടെബർ റാമിറോയുടെ വളർച്ച. റയൽ മഡ്രിഡ് സി, ബി ടീമുകളിൽ 2003 മുതൽ 2010 വരെ കളിച്ചതാരം പിന്നീട് വായ്പാ അടിസ്ഥാനത്തിൽ റേയാ വാലികാനോയിൽ നാലുവർഷത്തോളം കളിച്ചു.
2009-2010 സീസണിൽ റയൽ മഡ്രിഡ് സീനിയർ ടീമിലേക്ക് ക്ഷണം വന്നെങ്കിലും കളത്തിലിറങ്ങാനുള്ള ഭാഗ്യമുണ്ടായത് ഒരേയൊരു മത്സരത്തിൽ മാത്രമാണ്. പിന്നീട്, രണ്ടാം ഡിവിഷനിൽ കളിക്കുന്ന വിവിധ ക്ലബുകൾക്കുവേണ്ടി പന്തു തട്ടിയ ടെബർ, 2016ലാണ് ഡൽഹിയിലെത്തുന്നത്. 12 മത്സരങ്ങളിൽ ഡൽഹിക്കായി കളിച്ചു. സ്പാനിഷ് താരത്തിെൻറ വരവ് ടീമിന് ശക്തിനൽകുമെന്ന് പുണെ ക്ലബ് അധികൃതർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.