ഡല്‍ഹി: ഗോള്‍ യന്ത്രം എമിലിയാനോ അല്‍ഫാരോയുടെ ബൂട്ടില്‍ നിന്നും പന്തുകള്‍ വീണ്ടും വലതേടി പറന്നപ്പോള്‍ അടിതെറ്റാതെ വടക്കു കിഴക്കന്‍ പട. ഇന്ത്യന്‍ സൂപ്പര്‍ ലീഗില്‍ ഡല്‍ഹി ഡൈനാമോസിനെ നേരിടാനിറങ്ങിയ നോര്‍ത് ഈസ്റ്റ് ആദ്യ പകുതിയില്‍ ലീഡ് വഴങ്ങിയെങ്കിലും രണ്ടാം പകുതിയില്‍ പിറന്ന സുന്ദര ഗോളിലൂടെ ഒരു പോയന്‍റ് പിടിച്ച് പട്ടിക രണ്ടക്കം കടത്തി.
38ാം മിനിറ്റില്‍ കീന്‍ ലൂയിസിന്‍െറ ഗോളിലൂടെയാണ് ഡല്‍ഹി നോര്‍ത് ഈസ്റ്റിനെ ഞെട്ടിച്ചത്. കറ്റ്സുമി യുസ-എമിലിയാനോ എന്നീ മുന്‍നിരക്കാരുമായി നിറഞ്ഞുകളിച്ച വടക്കുകിഴക്കന്‍ സംഘത്തെിന്‍െറ തുടരന്‍ ആക്രമണത്തിനിടെയായിരുന്നു ആതിഥേയരുടെ ഗോള്‍. എന്നാല്‍, രണ്ടാം പകുതിയില്‍ നോര്‍ത് ഈസ്റ്റ് തിരിച്ചടിച്ചു.
53ാം മിനിറ്റില്‍ വലതു വിങ്ങിനെ ഇളക്കിമറിച്ച് കുതിച്ച നികോളസ് വെലസിന്‍െറ ക്രോസില്‍ നിന്നുയര്‍ന്ന പന്ത് ഡല്‍ഹി ഗോളി തട്ടിയകറ്റിയെങ്കിലും റീബൗണ്ട് ചെയ്ത് അല്‍ഫാരോ വീണ്ടും വലയിലാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.