ലണ്ടൻ: ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ യുനൈറ്റഡിെൻറ കുതിപ്പ് തുടരുന്നു. പു തിയ പരിശീലകൻ ഒലെ ഗുണ്ണാർ സോൾഷറിെൻറ കീഴിൽ തകർപ്പൻ ഫോം തുടരുന്ന യുനൈറ്റഡ് മട ക്കമില്ലാത്ത മൂന്ന് ഗോളുകൾക്ക് ഫുൾഹാമിനെ തകർത്തു. 26 കളികളിൽ 51 പോയൻറുമായി യുനൈറ്റഡ് പോയൻറ് പട്ടികയിൽ നാലാം സ്ഥാനത്തേക്കുയർന്നു.
ഹോസെ മൗറീന്യോയിൽനിന്ന് സോൾഷർ ചുമതലയേറ്റ ശേഷം യുനൈറ്റഡ് തോൽവിയറിഞ്ഞിട്ടില്ല. തുടർച്ചയായ 11 കളികളിൽ ടീമിെൻറ പത്താം ജയമാണിത്. ഇരട്ട ഗോളുമായി പോൾ പോഗ്ബയായിരുന്നു (14, 65) യുനൈറ്റഡിെൻറ വിജയശിൽപി. മറ്റൊരു ഗോൾ ആൻറണി മാർഷ്യലിെൻറ (23) വകയായിരുന്നു. സീസണിൽ ലീഗിൽ പോഗ്ബക്ക് ഇതോടെ 11 ഗോളായി.
കളി കാൽ മണിക്കൂർ പിന്നിടവെ മാർഷ്യലിെൻറ പാസിൽനിന്നായിരുന്നു പോഗ്ബയുടെ ആദ്യ ഗോൾ. 10 മിനിറ്റിനകം രണ്ടാം ഗോളെത്തി. എതിരാളിയിൽനിന്ന് പന്ത് തട്ടിയെടുത്ത യുനൈറ്റഡ് ഡിഫൻഡർ ഫിൽ ജോൺസ് നൽകിയ പാസുമായി കുതിച്ച മാർഷ്യൽ ഡെനിസ് ഒഡോയിയെയും മാക്സിം ലെ മർചൻഡിനെയും മറികടന്ന് ഫുൾഹാം ഗോളി സെർജിയോ റികോയെയും കീഴടക്കി ലക്ഷ്യംകണ്ടു. രണ്ടാം പകുതിയിൽ യുവാൻ മാറ്റയെ ലെ മർചൻഡ് വീഴ്ത്തിയതിന് ലഭിച്ച സ്പോട്ട് കിക്കിൽനിന്നായിരുന്നു പോഗ്ബയുടെ രണ്ടാം ഗോൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.