ലണ്ടൻ: ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ യുനൈറ്റഡിന് ജയത്തോടെ തിരിച്ചുവരവ ്. കഴിഞ്ഞ കളിയിൽ ബേൺമൗത്തിനോട് തോറ്റ യുനൈറ്റഡ്, ബ്രൈറ്റൺ ആൽബിയോണിനെ 3-1ന് തോൽപി ച്ചു.
ആന്ദ്രെ പെരേര (17), മാർകസ് റാഷ്ഫോഡ് (66) എന്നിവർക്കൊപ്പം ഒരു സെൽഫ് ഗോൾകൂട ി യുനൈറ്റഡിന് അനുകൂലമായി പിറന്നു. ജയത്തോടെ 16 പോയൻറുമായി യുനൈറ്റഡ് ഏഴാം സ്ഥാനത്തേക്കു കയറി.
ശനിയാഴ്ച നടന്ന മത്സരത്തിൽ ലെസ്റ്റർ സിറ്റി 2-0ത്തിന് ആഴ്സനലിനെ തോൽപിച്ചു. ജാമി വാർഡിയും (68) ജെയിംസ് മാഡിസണുമാണ് (75) ഗോൾ നേടിയത്.
തുടർച്ചയായ നാലാം ജയത്തോടെ ലെസ്റ്റർ സിറ്റി ഗോൾശരാശരിയിൽ ചെൽസിയെ പിന്തള്ളി 26 പോയൻറുമായി പട്ടികയിൽ രണ്ടാം സ്ഥാനത്തേക്കു കയറി. ഷെഫീൽഡ് യുനൈറ്റഡുമായി 1-1ന് സമനിലയിൽ കുരുങ്ങിയ ടോട്ടൻഹാം ഹോട്സ്പർ (14 പോയൻറ്) 14ാം സ്ഥാനത്തേക്കു താഴ്ന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.