ലണ്ടന്‍: യൂറോപ ലീഗില്‍ ഗ്രൂപ് റൗണ്ടിലെ അവസാന മത്സരത്തില്‍ സോര്‍യാ ലുഹാന്‍സ്കിനെ മറുപടിയില്ലാത്ത രണ്ടു ഗോളുകള്‍ക്ക് തോല്‍പിച്ച് മാഞ്ചസ്റ്റര്‍ യുനൈറ്റഡ് നോക്കൗട്ട് റൗണ്ടില്‍ ഇടംനേടി. ചെമ്പടക്കായി ഹെന്‍റിക് മികിത്രയാനും (48) സൂപ്പര്‍താരം ഇബ്രാഹിമോവിച്ചുമാണ് (88) ഗോള്‍ നേടിയത്. ഇതോടെ ഗ്രൂപ് ‘എ’യില്‍ രണ്ടാം സ്ഥാനക്കാരായി അവസാന 32ല്‍ ഇടംനേടി.ഗ്രൂപ് പോരാട്ടങ്ങള്‍ അവസാനിച്ചതോടെ അവസാന 32ല്‍ അങ്കംകുറിക്കുന്ന ടീമുകളുടെ പട്ടികയായി. തിങ്കളാഴ്ച നറുക്കെടുപ്പിലൂടെയാണ് നോക്കൗട്ട് റൗണ്ടില്‍ ആരൊക്കെ ഏറ്റുമുട്ടും എന്നതില്‍ തീരുമാനമാവുക. 12 ഗ്രൂപ് ചാമ്പ്യന്മാര്‍ക്കും റണ്ണേഴ്സ് അപ്പിനും പുറമെ, ചാമ്പ്യന്‍സ് ലീഗില്‍ മൂന്നാം സ്ഥാനക്കാരായ എട്ടുപേരും യൂറോപ ലീഗ് നോക്കൗട്ടില്‍ മത്സരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.