ലണ്ടന്‍: എഫ്.എ കപ്പിലെ നാലാം റൗണ്ട് മത്സരത്തില്‍ മാഞ്ചസ്റ്റര്‍ യുനൈറ്റഡിന് വമ്പന്‍ ജയം. വിഗാന്‍ അത്ലറ്റിക്കിനെ എതിരില്ലാത്ത നാലു ഗോളുകള്‍ക്കാണ് ഹോസെ മൗറീന്യോയും സംഘവും തോല്‍പിച്ചത്. യുനൈറ്റഡിനായി സൂപ്പര്‍ താരങ്ങളായ മൗറെയ്ന്‍ ഫെല്ലിനി (44) ക്രിസ് സ്മാളിങ് (57), ഹെന്‍റിക്ക് മിഖിത്രിയാന്‍ (74), ബാസ്റ്റ്യന്‍ ഷൈന്‍സ്റ്റീഗര്‍ (81) എന്നിവര്‍ ഗോള്‍നേടി. നാളുകള്‍ക്ക് ശേഷമാണ് ഷൈന്‍സ്റ്റീഗര്‍ യുനൈറ്റഡിന്‍െറ ആദ്യ ഇലവനില്‍ ഇടംപിടിക്കുന്നത്. ആദ്യപകുതിയില്‍ ഫെല്ലിനി നേടിയ ഗോളിനു പിന്നിലും ജര്‍മന്‍ താരമായിരുന്നു. ഫെല്ലിനിയെ ലക്ഷ്യമാക്കി വാരകള്‍ക്കകലെനിന്നും നല്‍കിയ ക്രോസാണ് ഹെഡിലൂടെ യുനൈറ്റഡിന്‍െറ ആദ്യ ഗോളായി മാറുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.