തിരുവനന്തപുരം: 55ാമത് അന്തർജില്ല സീനിയർ ഫുട്ബാൾ കിരീടം മലപ്പുറത്തിന്. നിലവിലെ ചാമ്പ്യൻമാരായ കോട്ടയത്തെ മറുപടിയില്ലാത്ത മൂന്ന് ഗോളിന് കീഴടക്കിയാണ് മലപ്പുറം കഴിഞ്ഞവർഷത്തെ കണക്ക് തീർത്തത്. 2017ൽ പെനാൽറ്റി ഷൂട്ടൗട്ടിൽ മലപ്പുറത്തെ കീഴടക്കിയായിരുന്നു കോട്ടയം ചാമ്പ്യൻമാരായത്. മലപ്പുറത്തിന് വേണ്ടി എം. അക്ബർ സിദ്ദിഖ് രണ്ട് ഗോളും ആൽഫിൽ വാൾട്ടർ ഒരു ഗോളും നേടി.
രാവിലെ നടന്ന ലൂസേഴ്സ് ഫൈനലിൽ പാലക്കാടിനെ തകർത്ത് തിരുവനന്തപുരം മൂന്നാമതെത്തി (5-2). ടൂർണമെൻറിലെ മികച്ച ഫോർവേഡായി മലപ്പുറത്തി‍െൻറ ആൽഫിൻ വാൾട്ടർ, മികച്ച മിഡ്ഫീൽഡറായി കോട്ടയത്തിെൻറ ഗിഫിറ്റി സി ഇഗ്നേഷ്യസ്, ഗോൾകീപ്പറായി മലപ്പുറത്തി‍െൻറ മുഹമ്മദ് അഷ്റഫ്, പ്രതിരോധതാരമായി എം. ലിജോ (തിരുവനന്തപുരം) എന്നിവരെ െതരഞ്ഞെടുത്തു. തിരുവനന്തപുരം ജില്ല ഫുട്ബാൾ അസോസിയേഷൻ പ്രസിഡൻറ് വി. ശിവൻകുട്ടി വിജയികൾക്ക് പുരസ്കാരം സമ്മാനിച്ചു.
സ്പോർട്സ് കൗൺസിൽ സെക്രട്ടറി സഞ്ജയൻകുമാർ, കാര്യവട്ടം എൽ.എൻ.സി.പി.ഇ പ്രിൻസിപ്പൽ ഡോ.ജി. കിഷോർ, കെ.എഫ്.എ സെക്രട്ടറി പി. അനില്‍കുമാര്‍ എന്നിവർ സന്നിഹിതരായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.