ദേശീയ സീനിയർ വോളി ചാ​മ്പ്യ​ൻ​ഷി​പ്പി​ന്​ കോഴിക്കോട്​ വേദിയായേക്കും

കോ​ഴി​ക്കോ​ട്​: ഒ​ന്ന​ര​പ​തി​റ്റാ​ണ്ടി​ന്​ ശേ​ഷം ദേ​ശീ​യ സീ​നി​യ​ർ പു​രു​ഷ-​വ​നി​ത വോ​ളി​ബാ​ൾ ചാ​മ്പ്യ​ൻ​ഷി​പ്പി​ന്​ കോ​ഴി​ക്കോ​ട്​ വേ​ദി​യാ​കാ​ൻ സാ​ധ്യ​ത. ഹൈ​ദ​രാ​ബാ​ദി​ലെ ഗ​ച്ചി​ബൗ​ളി സ്​​റ്റേ​ഡി​യ​ത്തി​ൽ അ​ടു​ത്ത​മാ​സം ന​ട​ക്കേ​ണ്ടി​യി​രു​ന്ന മ​ത്സ​ര​മാ​ണ്​ വോ​ളി​ബാ​ളി​ന്​ ഏ​റെ ആ​രാ​ധ​ക​രു​ള്ള കോ​ഴി​ക്കോ​േ​ട്ട​ക്ക്​ വ​രാ​നൊ​രു​ങ്ങു​ന്ന​ത്. തെ​ല​ങ്കാ​ന വോ​ളി​ബാ​ൾ അ​സോ​സി​യേ​ഷ​നി​ലെ ചി​ല പ്ര​ശ്​​ന​ങ്ങ​ൾ കാ​ര​ണ​മാ​ണ്​ ഹൈ​ദ​രാ​ബാ​ദി​ന്​ ആ​തി​ഥേ​യ​ത്വം ന​ഷ്​​ട​മാ​യ​ത്. 

കോ​ഴി​ക്കോ​ടി​ന്​ ആ​തി​ഥേ​യ​ത്വം ല​ഭി​ക്കു​ക​യാ​ണെ​ങ്കി​ൽ വി.​കെ. കൃ​ഷ്​​​ണ​മേ​നോ​ൻ ഇ​ൻ​ഡോ​ർ സ്​​റ്റേ​ഡി​യ​ത്തി​ലു​ം  വ​ട​ക​ര​യി​ലു​മാ​കും സീ​നി​യ​ർ വോ​ളി​ബാ​ൾ ചാ​മ്പ്യ​ൻ​ഷി​പ്പി​​െൻറ 66ാം പ​തി​പ്പ്​ അ​ര​ങ്ങേ​റു​ക. പ്രാ​ഥ​മി​ക മ​ത്സ​ര​ങ്ങ​ൾ വ​ട​ക​ര​യി​ൽ ന​ട​ത്താ​നാ​ണ്​ ആ​ലോ​ച​ന. വേ​ദി​യും തീ​യ​തി​യും സം​ബ​ന്ധി​ച്ച അ​ന്തി​മ​തീ​രു​മാ​നം ഉ​ട​നു​​ണ്ടാ​കും. കേ​ര​ള ടീ​മി​​െൻറ ക്യാ​മ്പും കോ​ഴി​ക്കോ​ട്ടാ​യി​രി​ക്കും. 

ദേ​ശീ​യ ഗെ​യിം​സി​ലെ ​േവാ​ളി​ബാ​ൾ മ​ത്സ​ര​ങ്ങ​ൾ ന​ട​ന്ന​ത്​ കോ​ഴി​ക്കോ​ട്​ ഇ​ൻ​ഡോ​ർ സ്​​റ്റേ​ഡി​യ​ത്തി​ലാ​യി​രു​ന്നു. മ​ത്സ​രം ന​ട​ന്ന അ​ഞ്ചു​ദി​വ​സം ഗാ​ല​റി​ക​ൾ നി​റ​ഞ്ഞു​ക​വി​ഞ്ഞി​രു​ന്നു. നൂ​റു​ക​ണ​ക്കി​ന്​ പേ​ർ പ്ര​വേ​ശ​നം കി​ട്ടാ​തെ മ​ട​ങ്ങു​ക​യും ചെ​യ്​​തു. 2001ലാ​ണ്​ ദേ​ശീ​യ സീ​നി​യ​ർ ചാ​മ്പ്യ​ൻ​ഷി​പ്പി​ന്​ കോ​ഴി​ക്കോ​ട്​ അ​വ​സാ​ന​മാ​യി ആ​തി​ഥേ​യ​രാ​യ​ത്. എ​ര​ഞ്ഞി​പ്പാ​ലം മി​നി​ബൈ​പാ​സി​ലെ സ്വ​പ്​​ന​ന​ഗ​രി​യി​ൽ പ്ര​ത്യേ​കം ത​യാ​റാ​ക്കി​യ ക​ളി​ക്ക​ള​ത്തി​ലാ​യി​രു​ന്നു മ​ത്സ​രം ന​ട​ത്തി​യ​ത്. പു​രു​ഷ​വി​ഭാ​ഗ​ത്തി​ൽ കേ​ര​ളം ​ആ ​വ​ർ​ഷം ജേ​താ​ക്ക​ളു​മാ​യി​ര​ു​ന്നു. ക​ഴി​ഞ്ഞ​വ​ർ​ഷം ചെ​ന്നൈ​യി​ൽ ന​ട​ന്ന ചാ​മ്പ്യ​ൻ​ഷി​പ്പി​ലും പു​രു​ഷ​കി​രീ​ടം കേ​ര​ള​ത്തി​നാ​യി​രു​ന്നു. അ​തി​നി​ടെ, ദേ​ശീ​യ സീ​നി​യ​ർ​വോ​ളി​ബാ​ൾ ചാ​മ്പ്യ​ൻ​ഷി​പ്പി​നു​ള്ള കേ​ര​ള ടീ​മു​ക​ളെ പ്ര​ഖ്യാ​പി​ച്ചു. പു​രു​ഷ ടീ​മി​നെ അ​ബ്​​ദു​ൽ നാ​സ​റും വ​നി​ത​ക​ളെ സ​ണ്ണി ജോ​സ​ഫും പ​രി​ശീ​ലി​പ്പി​ക്കും. 

പു​രു​ഷ ടീം: ​എ​ൻ. ജി​തി​ൻ, മു​ത്തു​സ്വാ​മി, ജി.​എ​സ്.​ അ​ഘി​ൻ, പി. ​രോ​ഹി​ത്, അ​ബ്​​ദു​ൽ റ​ഹീം, സി. ​അ​ജി​ത്​ ലാ​ൽ, വി​ബി​ൻ എം. ​ജോ​ർ​ജ്, അ​നു ജെ​യിം​സ്, ര​തീ​ഷ്, ജെ​റോം വി​നീ​ത്, ഒ. ​അ​ൻ​സാ​ബ്, സി.​കെ. ര​തീ​ഷ്.  

വ​നി​ത ടീം: ​കെ.​എ​സ്​ ജി​നി, ഇ. ​അ​ശ്വ​തി, അ​ഞ്​​ജു ബാ​ല​കൃ​ഷ്​​ണ​ൻ, എ​സ്. സൂ​ര്യ, ജി. ​അ​ഞ്​​ജു​മോ​ൾ, എ​സ്. രേ​ഖ, എം. ​ശ്രു​തി, എ​ൻ.​എ​സ്.​ ശ​ര​ണ്യ, ഫാ​ത്തി​മ റു​ക്​​സാ​ന, കെ.​പി. അ​നു​ശ്രീ, അ​ഞ്​​ജ​ലി ബാ​ബു, അ​ശ്വ​തി ര​വീ​ന്ദ്ര​ൻ.