'അവരുടെ ആഭ്യന്തര കാര്യത്തിൽ തലയിടല്ലേ'; സചി​െൻറ പഴയ ട്വീറ്റ്​ കുത്തിപ്പൊക്കി നെറ്റിസൺസ്​

അമേരിക്കയിൽ കറുത്ത വർഗക്കാരനായ ജോർജ്​ ​ഫ്ലോയ്​ഡിനെ വംശീയ വെറിയനായ ഒരു പൊലീസുകാരൻ കഴുത്തുഞെരിച്ചുകൊന്ന സംഭവം ആഗോളതലത്തിൽ തന്നെ വലിയ ചർച്ചാവിഷയമാവുകയും 'ബ്ലാക്ക്​ലൈവ്​സ്​ മാറ്റർ' എന്ന ചരിത്രമായ ക്യാ​െമ്പയിന്​ പോലും അത്​ കാരണമാവുകയും ചെയ്​തിരുന്നു. ലോകം ജോർജ്​ ഫ്ലോയ്​ഡിന്​ വേണ്ടി കണ്ണീർ പൊഴിച്ചപ്പോൾ ഇന്ത്യയുടെ ബാറ്റിങ്​ ഇതിഹാസം സചിൻ അതിനൊപ്പം ചേർന്നത്​​ ഇംഗ്ലീഷ്​ പേസ്​ ബൗളർ ജോഫ്ര ആർച്ചറി​െൻറ ഒരു വിഡിയോ സമൂഹ മാധ്യമങ്ങളിൽ പങ്കുവെച്ചുകൊണ്ടായിരുന്നു.

ഇംഗ്ലണ്ട്​ തങ്ങളുടെ ആദ്യ ലോകകപ്പ്​ നേടു​േമ്പാൾ അവരുടെ ബോളിങ്​ കുന്തമുനയായി പ്രവർത്തിച്ച്​ ടീമിനെ മുന്നോട്ടു നയിച്ചത്​ ആർച്ചറായിരുന്നു. ബ്ലാക്ക്​ ലൈവ്​സ്​ മാറ്റർ കത്തിനിന്ന സമയത്ത്​ ​െഎ.സി.സി വംശീയാധിക്ഷേപത്തിനെതിരെ പുറത്തിറക്കിയ വിഡിയോ ആയിരുന്നു സചിൻ ട്വിറ്ററിൽ പോസ്റ്റ്​ ചെയ്​തത്​. ''ലോകത്തെ മാറ്റാൻ കായികത്തിന്​ ശക്​തിയുണ്ട്​. മറ്റൊന്നിനും സാധിക്കാത്ത വിധം ലോകത്തെ ഒന്നിപ്പിക്കാനും അതിന്​ ശക്​തിയുണ്ട്​''. -വിഡിയോക്ക്​​ അടിക്കുറിപ്പായി നെൽസൻ മണ്ഡേലയുടെ ഇൗ വാക്കുകളും അദ്ദേഹം ചേർത്തിരുന്നു. എന്നാൽ, സചി​െൻറ പഴയ ട്വീറ്റ്​ ഇപ്പോൾ ആളുകൾ കുത്തിപ്പൊക്കിയിരിക്കുകയാണ്​. ബ്ലാക്ക്​ലൈവ്​സ്​ മാറ്റർ ഉദ്ധരിച്ചുകൊണ്ട്​, അത്​ അവരുടെ ആഭ്യന്തര കാര്യങ്ങളല്ലേ.. നിങ്ങൾക്ക്​ മിണ്ടാതിരുന്നുകൂടെ എന്നാണ്​ പലരും ചോദിക്കുന്നത്​.

സ്​റ്റേഡിയത്തിൽ വെച്ച്​ ആരാധകരിൽ നിന്നും സമൂഹ മാധ്യമങ്ങളിലും ഏറെ വംശീയ അധിക്ഷേപങ്ങൾ കേൾക്കേണ്ടി വന്ന താരമാണ്​ ആർച്ചർ. ബാർബഡോസിൽ ജനിച്ച താരം അന്താരാഷ്ട്ര ക്രിക്കറ്റിൽ ഇംഗ്ലണ്ടിനെയാണ്​ പ്രതിനിധീകരിക്കുന്നത്​. ആധുനിക കാലത്തെ ഏറ്റവും മികച്ച പേസർമാരിൽ ഒരാളായി അറിയപ്പെടുന്ന ജോഫ്ര ഇന്ത്യൻ പ്രീമിയർ ലീഗിലും ബാറ്റ്​സ്​മാൻമാരുടെ പേടി സ്വപ്​നമായിരുന്നു.