നെയ്റോബി: പാരിസ് ഒളിമ്പിക്സിൽ പങ്കെടുത്ത യുഗാണ്ടൻ അത്ലറ്റിനെ ആൺസുഹൃത്ത് പെട്രോളൊഴിച്ച് തീകൊളുത്തി കൊലപ്പെടുത്തി. യുഗാണ്ടൻ മാരത്തണ് ഓട്ടക്കാരി റെബേക്ക ചെപ്റ്റെഗെയാണ് (33) കൊല്ലപ്പെട്ടത്. 80 ശതമാനം പൊള്ളലേറ്റതിനെ തുടർന്ന് കെനിയയിലെ ആശുപത്രിയില് ചികിത്സയിലിരിക്കെ വ്യാഴാഴ്ചയായിരുന്നു അന്ത്യം.
ഭൂമി ഇടപാടുമായി ബന്ധപ്പെട്ട അഭിപ്രായ വ്യത്യാസത്തിനിടെ ഞായറാഴ്ചയാണ് കാമുകന് ഡിക്സണ് എന്ഡീമ, റെബേക്കയെ പെട്രോളൊഴിച്ച് തീകൊളുത്തിയതെന്ന് പോലീസ് പറഞ്ഞു. സംഭവത്തിന് പിന്നാലെ റെബേക്കയെ എല്ഡോറെറ്റ് നഗരത്തിലെ ആശുപത്രിയില് പ്രവേശിപ്പിച്ചിരുന്നു. പൊള്ളലേറ്റ കാമുകന് എന്ഡീമ ഇതേ ആശുപത്രിയില് ചികിത്സയിലാണ്. യുഗാണ്ട ഒളിമ്പിക്സ് കമ്മിറ്റി പ്രസിഡന്റാണ് റബേക്കയുടെ മരണവിവരം പുറത്തുവിട്ടത്. സംഭവത്തെ അപലപിച്ച യുഗാണ്ട അത്ലറ്റിക്സ് ഫെഡറേഷന്, റെബേക്കക്ക് നീതി ലഭിക്കണമെന്നും ആവശ്യപ്പെട്ടു. റെബേക്ക 44ാം സ്ഥാനത്താണ് ഒളിമ്പിക്സില് ഫിനിഷ് ചെയ്തത്. 2010 മുതൽ ഇവർ രാജ്യാന്തര മത്സരങ്ങളിൽ പങ്കെടുക്കുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.