ന്യൂഡല്‍ഹി: റിലയന്‍സ് ജിയോക്ക് ആവശ്യത്തിന് ഇന്‍റര്‍കണക്റ്റ് പോയന്‍റുകള്‍ അനുവദിക്കുമെന്ന് ബി.എസ്.എന്‍.എല്‍ സി.എം.ഡി അനുപം ശ്രീവാസ്തവ അറിയിച്ചു.ഐഡിയ, എയര്‍ടെല്‍, വോഡഫോണ്‍ എന്നിവക്കു പിന്നാലെയാണ് ബി.എസ്.എന്‍.എല്ലും ജിയോക്കുവേണ്ടി കൂടുതല്‍ ഇന്‍റര്‍കണക്റ്റ് പോയന്‍റുകള്‍ ഏര്‍പ്പെടുത്തുന്നത്. മൊബൈല്‍ സേവനദാതാക്കള്‍ തമ്മില്‍ പരസ്പരം നെറ്റ്വര്‍ക്കുകള്‍ പങ്കുവെക്കുന്നത് ഇന്‍റര്‍കണക്റ്റ് പോയന്‍റുകള്‍ വഴിയാണ്.
ഒരു നെറ്റ്വര്‍ക്കിലെ ഉപഭോക്താവ് മറ്റൊരു നെറ്റ്വര്‍ക്കിലെ ഫോണിലേക്ക് വിളിക്കുമ്പോള്‍ ഇന്‍കമിങ് നെറ്റ്വര്‍ക്കിന് ഇന്‍റര്‍കണക്ടിവിറ്റി ചാര്‍ജ് ലഭിക്കും. ജിയോയില്‍നിന്ന് ബി.എസ്.എന്‍.എല്ലിലേക്കുള്ള ഇന്‍കമിങ് കോളിന് 14 പൈസ കണക്ടിവിറ്റി ചാര്‍ജ് ലഭിക്കുമെന്നും ഇത് തങ്ങള്‍ക്ക് ലാഭകരമാണെന്നും ശ്രീവാസ്തവ പറഞ്ഞു. തങ്ങള്‍ക്ക് മറ്റ് കമ്പനികള്‍ ആവശ്യത്തിന് ഇന്‍റര്‍കണക്ടിവിറ്റി അനുവദിക്കുന്നില്ളെന്ന് റിലയന്‍സ് ജിയോ പരാതിപ്പെട്ടിരുന്നു. 100ല്‍ 75 കോളുകളും കട്ടാകുന്നു എന്നായിരുന്നു പരാതി. പിന്നീട് ട്രായ് ഇടപെട്ടതിനത്തെുടര്‍ന്നാണ് മറ്റ് കമ്പനികള്‍ ജിയോക്ക് സാങ്കേതിക സൗകര്യം നല്‍കാന്‍ തയാറായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.