െഎഫോണിെൻറ ഏറ്റവും വിലകുറഞ്ഞ മോഡലായ െഎഫോൺ എസ്.ഇയുടെ പുതിയ വകഭേദം അമേരിക്കയിൽ ലോഞ്ച് ചെയ്തു. പൊ തുവെ വലിയരീതിയിൽ കൊട്ടിഘോഷിച്ച് ഫോൺ ലോഞ്ച് നടത്താറുള്ള ആപ്പിൾ, കോവിഡ് പ്രമാണിച്ച് ചെറിയൊരു പ്രസ് റിലീസ് നടത്തിയാണ് പുതിയ അവതാരത്തെ പരിചയപ്പെടുത്തിയത്. െഎഫോൺ എസ്.ഇ 2, െഎഫോൺ 9 തുടങ്ങിയ പേരുകൾ ലോഞ്ചിന് മ ുമ്പ് പ്രചരിച്ചിരുന്നെങ്കിലും പുതിയ ആൾക്ക് െഎഫോൺ എസ്.ഇ 2020 എന്ന് പേര് നൽകിയെന്നാണ് റിപ്പോർട്ടുകൾ.
< p>െഎഫോൺ 8 എന്ന മോഡലിൽ ചെറിയ മാറ്റങ്ങൾ വരുത്തിയ രൂപമാണ് പുതിയ എസ്.ഇക്ക്. 4.7 ഇഞ്ച് സ്ക്രീൻ വലിപ്പത്തിൽ പുതി യ 11ാം സീരീസിലുള്ള ഫേസ് െഎഡിക്ക് പകരം പഴയ ടച്ച് െഎഡിയൊക്കെ നൽകി, വില കുറച്ചാണ് എസ്.ഇ എത്തുന്നത്. എന്നാൽ, ഏറ്റവും വലിയ പ്രത്യേകത പെർഫോമൻസിെൻറ കാര്യത്തിലാണ്. എഫോൺ 11 സീരീസിന് കരുത്ത് പകരുന്ന A13 ബയോണിക് ചിപ്പ ാണ് എസ്.ഇക്കും കരുത്ത് പകരുന്നത്.അമേരിക്കയിൽ 64 ജിബി മോഡലിന് വെറും 399 ഡോളറാണ് വിലയിട്ടിരിക്കുന്നത്. ഇന്ത്യൻ രൂപയിലേക്ക് മാറ്റുേമ്പാൾ 30000 രൂപയോളം മാത്രം. എന്നാൽ, ഇന്ത്യയിലെത്തുേമ്പാൾ വില 40000 രൂപക്ക് മുകളിലെത്തുമെന്നാണ് സൂചന.
െഎഫോൺ എസ്.ഇയുടെ വിശേഷങ്ങൾ
4.7 ഇഞ്ച് വലിപ്പത്തിലുള്ള എച്ച്.ഡി െഎ.പി.എസ് എൽ.സി.ഡി ഡിസ്പ്ലേയാണ് എസ്.ഇക്ക്. 750x1334 ആണ് റെസൊല്യൂഷൻ. ഫുൾ എച്ച്.ഡി മിഴിവ് ഇല്ലെങ്കിലും ഡോൾബി വിഷൻ, എച്ച.ഡി.ആർ 10 കപ്പാസിറ്റിയും എസ്.ഇയുടെ പ്രത്യേകതയാണ്. ഏറ്റവും പുതിയ െഎഫോൺ മോഡലുകളിൽ ലഭ്യമായ ഹെപ്റ്റിക് ടച്ച് സപ്പോർട്ട് കൂടിയാകുേമ്പാൾ ഡിസ്പ്ലേ അനുഭവം മികച്ചതാവാനാണ് സാധ്യത.
12 മെഗാപിക്സലുള്ള ഒറ്റ കാമറയാണ് പിറകിൽ സംവിധാനിച്ചിരിക്കുന്നത്. എന്നാൽ, ആ കാമറ ഒരു രണ്ടോ മൂന്നോ കാമറയുടെ ഗുണങ്ങൾ കാണിക്കുമെന്നാണ് കമ്പനിയുടെ അവകാശവാദം. f/1.8 അപെർച്ചറുള്ള കാമറക്ക് ഒപ്റ്റിക്കൽ ഇമേജ് സ്റ്റെബ്ലൈസേഷൻ സപ്പോർട്ട് ഉണ്ട്. 60 ഫ്രെയിംസ് പെർ സെക്കൻറിൽ 4കെ വിഡിയോ ഷൂട്ട് ചെയ്യാനുള്ള കപ്പാസിറ്റിയും പിന്നിലെ ഒറ്റ കാമറക്ക് നൽകിയിട്ടുണ്ട്. ഇതെല്ലാം മറ്റ് കമ്പനികളിലെ ഫ്ലാഗ്ഷിപ്പ് ഫോണുകളിൽ കണ്ടു വരുന്നതാണ്. ഡെപ്ത് സെൻസറിെൻറ പിൻബലമില്ലാതെ പോർട്രെയിറ്റ് ഫോേട്ടായെടുക്കാനും സാധിക്കും. മുൻ കാമറ ഏഴ് മെഗാ പിക്സലാണ്.
എല്ലാ സെൻസറുകളും ആപ്പിൾ എസ്.ഇക്ക് നൽകിയിട്ടുണ്ട്. എന്നാൽ, ഹെഡ്ഫോൺ ജാക്കിെൻറ അഭാവം ഫോൺ എടുക്കാൻ ആഗ്രഹിക്കുന്നവരെ പിന്നോട്ടടിച്ചേക്കും. അലൂമിനിയം മെറ്റീരിയലിൽ നിർമിച്ച എസ്.ഇക്ക് 148 ഗ്രാം മാത്രമാണ് ഭാരം. IP67 റേറ്റിങ് ഉള്ളതിനാൽ വെള്ളത്തിൽ ഒരു മീറ്റർ താഴ്ച്ചയിൽ അര മണിക്കൂർ വരെ കേടുവരാതെ ഇരിക്കാൻ എസ്.ഇക്ക് സാധിക്കുമെന്നാണ് ആപ്പിൾ അവകാശപ്പെടുന്നത്. എന്നാൽ, ലിക്വിഡ് ഡാമേജ് വാറൻറിയിൽ പെടില്ലെന്നും കമ്പനി മുന്നറിയിപ്പ് നൽകുന്നുണ്ട്. ഇത്രയും വിവരങ്ങൾ ലഭ്യമായെങ്കിലും ബാറ്ററി കപ്പാസിറ്റിയോ, റാം സൈസോ ആപ്പിൾ പുറത്തുവിട്ടിട്ടില്ല. എന്നാൽ, വയർലെസ് ചാർജിങ്, ഫാസ്റ്റ് ചാർജിങ് സപ്പോർട്ട് എന്നിവ എസ്.ഇ രണ്ടാം വകഭേദത്തിലും ഉൾപ്പെടുത്തിയിട്ടുണ്ട്.
നോച് ഡിസ്പ്ലേയും ഹോൾ പഞ്ച് ഡിസ്പ്ലേയും മോേട്ടാറൈസ്ഡ് കാമറ നൽകി ഫുൾവ്യൂ ഡിസ്പ്ലേയുമൊക്കെ മറ്റ് കമ്പനികൾ പരീക്ഷിക്കുേമ്പാൾ 2020ൽ വലിയ അരികുകൾ ഉള്ള ഡിസ്പ്ലേ ഡിസൈൻ പലർക്കും ദഹിക്കാൻ ഇടയില്ലെങ്കിലും െഎഫോൺ എസ്.ഇ ഇത്തരം സമവാക്യങ്ങൾ മറികടന്ന് എങ്ങനെ വിപണി കീഴടക്കുമെന്നാണ് എല്ലാവരും ഉറ്റുനോക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.