ആഗോള മാർക്കറ്റിൽ റെഡ്മി മാർച്ചിൽ ലോഞ്ച് ചെയ്ത സ്മാർട്ട്ഫോണായിരുന്നു റെഡ്മി നോട്ട് 10 എസ്. റെഡ്മി നോട്ട് 10 സീരീസിലെ ഏറ്റവും അവസാനത്തെ മോഡലായ നോട്ട് 10 എസ്, ബജറ്റ് ഫോണായിട്ടായിരുന്നു അവതരിപ്പിച്ചത്. നോട്ട് 10 എസ് മെയ് 13ന് ഇന്ത്യയിൽ ലോഞ്ച് ചെയ്യാൻ പോവുകയാണ്. ഷവോമിയുടെ ഇന്ത്യൻ എം.ഡി മനുകുമാർ ജെയ്നാണ് ഇൗ വിവരം പുറത്തുവിട്ടിരിക്കുന്നത്.
ഷവോമി ഇൗയിടെ ഇന്ത്യയിൽ പുറത്തിറക്കിയ മി 11എക്സ്, റെഡ്മി നോട്ട് 10 സീരീസ് എന്നിവയുടെ ഡിസൈനിനെ അനുസ്മരിപ്പിക്കുന്ന രൂപത്തിൽ തന്നെയാണ് റെഡ്മി നോട്ട് 10 എസുമുള്ളത്. മറ്റ് ഫോണുകളെ അപേക്ഷിച്ച് അൽപം ചെറിയ 6.43 ഇഞ്ചുള്ള ഡിസ്പ്ലേയാണ് 10 എസിന്. അമോലെഡ്, 2400×1080 പിക്സൽ റെസൊല്യൂഷൻ, DCI-P3 കളർ ഗാമത്, 409 പി.പി.െഎ പിക്സൽ ഡെൻസിറ്റി, 1100 നിറ്റ്സ് പീക് ബ്രൈറ്റ്നസ് തുടങ്ങിയ സവിശേഷതകൾ നോട്ട് 10 എസിെൻറ ഡിസ്പ്ലേയെ മികച്ചതാക്കുന്നു.
അതേസമയം, ഫോണിന് കരുത്ത് പകരുന്നത് മീഡിയ ടെകിെൻറ ഹീലിയോ ജി95 എന്ന ഒരു വർഷം മുൻപ് ഇറങ്ങിയ പ്രൊസസറാണ്. ഗെയിമിങ് പ്രൊസസറായ ജി95ന് Mali-G76 MC4 ജി.പി.യുവിെൻറ പിന്തുണയുമുണ്ട്. 6GB/64GB, 6GB/128GB,8GB/128GB എന്നിങ്ങനെ മൂന്ന് വാരിയൻറുകളിലായാണ് നോട്ട് 10 എസ് ആഗോള മാർക്കറ്റിലെത്തിയത്. UFS 2.2 സ്റ്റോറേജ് ഫോണിന് മികച്ച വേഗത സമ്മാനിച്ചേക്കും.
Mi Fans, get ready for the most #Savage #RedmiNote of 'em all.
— Manu Kumar Jain (@manukumarjain) May 3, 2021
Savage #Performance meets Stunning #Camera with all-new #RedmiNote10S. ⚡
Join us as we unveil this BEAST at a special #LaunchFromHome event on 13th May! 🏡
RT & get notified: https://t.co/TnHWHCOAYN
I ❤️ #Redmi pic.twitter.com/FfADJkHA5H
പിറകിൽ 64MP പ്രധാന സെൻസർ അടങ്ങുന്ന ക്വാഡ് കാമറ സെറ്റപ്പാണ് നോട്ട് 10 എസിന്. കൂടെ 8MP അൾട്രാ-വൈഡ് + 2MP വീതമുള്ള മാക്രോ, ഡെപ്ത് സെൻസറുകളുമുണ്ട്. 13MP -യുള്ള മുൻകാമറയാണ് മറ്റൊരു പ്രത്യേകത. 5,000mAh -ഉള്ള വലിയ ബാറ്ററിയും അത് ചാർജ് ചെയ്യാൻ 33W ഫാസ്റ്റ് ചാർജിങ് പിന്തുണയും നൽകിയിട്ടുണ്ട്.
നിലവിൽ കമ്പനി റെഡ്മി നോട്ട് 10 എസിെൻറ വിലവിവരങ്ങൾ പുറത്തുവിട്ടിട്ടില്ലെങ്കിലും 10,000 മുതൽ 15,000 രൂപയ്ക്കിടയിലായിരിക്കും വിലയെന്ന സൂചനയുണ്ട്. 12,499 രൂപ മുതലാണ് റെഡ്മി നോട്ട് 10 സീരീസിെൻറ വിലയാരംഭിക്കുന്നത്. നോട്ട് 10 എസിന് റെഡ്മി എന്ത് വിലയാണ് ഇടാൻ പോകുന്നതെന്ന് ഉറ്റുനോക്കുകയാണ് സ്മാർട്ട്ഫോൺ പ്രേമികൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.