ചൈനീസ് ടെക് ഭീമൻ ഷവോമി അവരുടെ പുതിയ തലമുറ നോട്ട് സീരീസിെൻറ ലോഞ്ച് ഡേറ്റ് പുറത്തുവിട്ടു. ഇൗ വർഷം തുടക്കത്തിലായിരുന്നു റെഡ്മി നോട്ട് 10 സീരീസ് വിപണിയിലെത്തിയത്. നോട്ട് 11 സീരീസ് ഒക്ടോബർ 28ന് ലോഞ്ച് ചെയ്യുമെന്നാണ് കമ്പനി, ചൈനീസ് സോഷ്യൽ മീഡിയ പ്ലാറ്റ്ഫോമായ വൈബോയിലൂടെ അറിയിച്ചത്.
ലോഞ്ചിങ് തീയതിക്കൊപ്പം നോട്ട് 11 സീരീസിെൻറ ചിത്രമടങ്ങിയ ചെറിയൊരു ടീസറും ഷവോമി പങ്കുവെച്ചിരുന്നു. പുതിയ തലമുറ നോട്ടിൽ ബോക്സി ഡിസൈനാണ് ഷവോമി പരീക്ഷിച്ചിരിക്കുന്നത്. ഡിസ്പ്ലേയുടെ നടുക്കായി പഞ്ച് ഹോൾ ക്യാമറ, 3.5 എംഎം ഹെഡ്ഫോൺ ജാക്ക്, IR ബ്ലാസ്റ്റർ, ജെ.ബി.എൽ ട്യൂൺ ചെയ്ത സ്പീക്കർ, തുടങ്ങിയ സവിശേഷതകൾ നോട്ട് 11-ഇലുണ്ടായിരിക്കും.
റെഡ്മി നോട്ട് 11 സീരീസ് -ലീക്കായ ഫീച്ചറുകൾ
റെഡ്മി നോട്ട് 11 സീരീസിന് ഇത്തവണ മീഡിയടെകിെൻറ ഡൈമൻസിറ്റി ചിപ്സെറ്റുകളാണ് കരുത്തേകുന്നത്. 120Hz റിഫ്രഷ് റേറ്റുള്ള ഡിസ്പ്ലേയും നോട്ട് 11 സീരീസിലെ മൂന്ന് ഫോണുകൾക്കും നൽകിയിട്ടുണ്ട്.
ചൈനീസ് ടിപ്സ്റ്റർ പുറത്തുവിട്ട വിവരങ്ങൾ പ്രകാരം റെഡ്മി നോട്ട് 11 എന്ന മോഡലിൽ 120Hz റിഫ്രഷ് റേറ്റുള്ള ഐ.പി.എസ് എൽ.സി.ഡി ഡിസ്പ്ലേയാണ്. 5ജി പിന്തുണയുള്ള മീഡിയാടെക് ഡൈമെൻസിറ്റി 810 ചിപ്‌സെറ്റായിരിക്കും ഫോണിന് കരുത്ത് പകരുക. 5,000 എംഎഎച്ച് ബാറ്ററിയും 33W ഫാസ്റ്റ് ചാർജിങ്ങും ഫോണിെൻറ സവിശേഷതകളിൽ പെടും. 50MP പ്രൈമറി കാമറയും 16MP സെൽഫി കാമറയുമായിരിക്കും ഫോണിൽ നൽകുക.
അതേസമയം, റെഡ്മി നോട്ട് 11 പ്രോ, നോട്ട് 11 പ്രോ+ എന്നീ മോഡലുകളിൽ 120Hz റിഫ്രഷ് റേറ്റുള്ള ഒ.എൽ.ഇ.ഡി ഡിസ്പ്ലേയായിരിക്കും. മീഡിയടെകിെൻറ പുതിയ കരുത്തുറ്റ പ്രൊസസറായ ഡൈമൻസിറ്റി 920 ആയിരിക്കും പ്രോ വകഭേദങ്ങൾക്ക് കരുത്തേകുക. 6 ജിബി + 128 ജിബി, 8 ജിബി + 128 ജിബി, 8 ജിബി + 256 ജിബി എന്നിങ്ങനെ മൂന്ന് വകഭേദങ്ങളായിരിക്കും നോട്ട് 11 പ്രോ സീരീസിലുണ്ടായിരിക്കുക.
കൂടാതെ, പ്രോ, പ്രോ+ മോഡലുകൾ യഥാക്രമം 67W, 120W ഫാസ്റ്റ് ചാർജിങ് പിന്തുണയുള്ള 5,000mAh ബാറ്ററിയുമായിട്ടാകും വിപണിയിലെത്തുക. ഇരുഫോണുകളിലെയും പ്രധാന കാമറ സെൻസർ 108MP ആയിരിക്കും. സെൽഫിക്കായി 16MP കാമറയുമായിരിക്കും.
ഒക്ടോബർ 28-ന് നടക്കാനിരിക്കുന്ന ഒൗദ്യോഗിക ലോഞ്ചിന് മുമ്പായി റെഡ്മി നോട്ട് 11 സീരീസിന് വേണ്ടിയുള്ള ലിസ്റ്റിംഗുകൾ അടുത്തിടെ ചൈനീസ് ഇ-കൊമേഴ്സ് പ്ലാറ്റ്ഫോം JD.com-ൽ കാണപ്പെട്ടിരുന്നു. അതനുസരിച്ച്, റെഡ്മി നോട്ട് 11 പ്രോ, നോട്ട് 11 പ്രോ+ എന്നിവ നവംബർ 1 മുതൽ ഷിപ്പിംഗ് ആരംഭിക്കും.
ലീക്കുകൾ പ്രകാരം, നോട്ട് 11 എന്ന അടിസ്ഥാന മോഡലിന് 1,199 ചൈനീസ് യുവാനാണ് വിലയിട്ടിരിക്കുന്നത് (14,000 രൂപ). നോട്ട് 11 പ്രോയുടെ പ്രാരംഭ വില 1,599 യുവാനാണ്(18,700 രൂപ). യഥാർഥ വിലവിവരങ്ങൾ ഒക്ടോബർ 28ന് അറിയാം..
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.