ലഖ്നോ: യു.പിയിൽ യോഗി സർക്കാർ മുസ്ലിംകളെ വേട്ടയാടുന്നുവെന്നും വ്യാജ കേസുകളിൽ കുടുക്കുന്നുവെന്നും ബി.എസ്.പി നേതാവ് മായാവതി. എസ്.പി ഭരണത്തിൽ ബ്രാഹ്മണരെയും ദലിതരെയും തെരഞ്ഞുപിടിച്ച് അടിച്ചമർത്തുകയായിരുന്നു. ഇപ്പോൾ ബി.ജെ.പി ഭരണത്തിൽ അവർക്കൊപ്പം മുസ്ലിംകളെക്കൂടി ഉന്നംവെക്കുന്നു.
അവരെ വ്യാജ കേസുകളിൽ ഉൾപ്പെടുത്തുന്നു. ഇത് ഏറെ വിഷമകരമാണ് എന്നായിരുന്നു മായാവതിയുടെ വാക്കുകൾ. അംബേദ്കറുടെ പ്രതിമകൾ തകർക്കപ്പെടുന്ന സംഭവങ്ങളിൽ ഉചിതമായ നടപടി ബി.ജെ.പി സർക്കാർ കൈക്കൊള്ളുന്നില്ലെന്നും അവർ പറഞ്ഞു. ജയ്പുരിലെയും വാരാണസിയിലെയും സംഭവങ്ങൾ അത്യധികം അപലപനീയമാണ്. സർക്കാർ നടപടി എടുക്കണമെന്നും മായാവതി ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.