ഗുസ്​തിയും അതിർത്തിയില്ലാത്ത സൗഹൃദവും

ഇ​ന്ത്യ​ൻ ഗു​സ്തി​യു​ടെ വ​നി​താ മു​ഖ​മാ​യി​രു​ന്ന വി​നേ​ഷ് ഫോ​ഗ​ട്ട് കളംവിടാൻ തീരുമാനിച്ചിരിക്കുന്നു. വി​നേ​ഷ് ഫോ​ഗ​ട്ടിനെ അയോഗ്യയാക്കിയതിന്​ പിന്നിൽ ചില കളികൾ നടന്നിരിക്കുന്നുവെന്ന്​ കളിപ്രേമികളടക്കം ഉറച്ചു വിശ്വസിക്കുന്നു. പാരിസ്​ ഒളിമ്പിക്​സിലെ ചില കാഴ്​ചകളിലൂടെ സഞ്ചരിക്കുകയാണ്​ മുതിർന്ന സ്​പോർട്​സ് ജേണലിസ്​റ്റ്​ കൂടിയായ ലേഖകൻ.

‘‘അ​മ്മേ... നി​ങ്ങ​ളു​ടെ സ്വ​പ്ന​വും എ​​ന്റെ ധൈ​ര്യ​വു​മൊ​ക്കെ ത​ക​ർ​ന്നു.​ ഇ​തി​ല​ധി​കം പോ​രാ​ടാ​ൻ എ​നി​ക്കാ​വി​ല്ല. ഗു​സ്തി​യു​മാ​യു​ള്ള പോ​രാ​ട്ട​ത്തി​ൽ ഞാ​ൻ പ​രാ​ജ​യ​പ്പെ​ട്ടു. എ​ല്ലാ​വ​രോ​ടും എ​നി​ക്ക് ക​ട​പ്പാ​ടു​ണ്ട്. എ​ന്നോ​ട് ക്ഷ​മി​ക്ക​ണം... ഗു​സ്തി​യോ​ട് വി​ട.’’ ഒ​രു പ​തി​റ്റാ​ണ്ടോ​ളം ഇ​ന്ത്യ​ൻ ഗു​സ്തി​യു​ടെ വ​നി​താ മു​ഖ​മാ​യി​രു​ന്ന വി​നേ​ഷ് ഫോ​ഗ​ട്ട് ഇ​നി​യൊ​രു അ​ങ്ക​ത്തി​നി​ല്ല എ​ന്നു പ്ര​ഖ്യാ​പി​ച്ച​ത് ഉ​ള്ളു​നീ​റി​യാ​ണ്. ആ ​നീ​റ്റ​ൽ കാ​യി​ക പ്രേ​മി​ക​ളു​ടെ ഉ​ള്ളുപൊ​ള്ളി​ച്ചു. അ​നീ​തി​യു​ടെ വി​ജ​യം ക​ണ്ട് കാ​യി​ക ലോ​കം അ​മ്പ​ര​ന്നു. പ​ക്ഷേ, നി​സ്സഹാ​യ​രാ​യ കാ​യി​ക പ്രേ​മി​ക​ൾ ഒ​ന്ന​ട​ങ്കം മ​ന​സ്സി​ൽ കു​റി​ച്ചു.

‘‘മ​ക​ളേ, നീ​യാ​ണ് ചാമ്പ്യൻ​മാ​രു​ടെ ചാമ്പ്യൻ.’’ ഞാ​നി​ത് കു​റി​ക്കു​മ്പോ​ൾ ലൊ​സാ​നി​ലെ കോ​ർ​ട്ട് ഓ​ഫ് ആ​ർ​ബി​ട്രേ​ഷ​ൻ ഫോ​ർ സ്പോ​ർ​ട്സ് (സി.​എ.​എ​സ്) വി​നേ​ഷി​​ന്റെ അ​പ്പീ​ലി​ൽ വി​ധി പ​റ​ഞ്ഞി​ട്ടി​ല്ല. അ​തെ​ന്താ​യാ​ലും, അ​മേ​രി​ക്ക​യു​ടെ ലോ​കോ​ത്ത​ര ഗു​സ്തി താ​രം, മു​ൻ ഒ​ളിമ്പി​ക് സ്വ​ർ​ണ​മെ​ഡ​ൽ ജേ​താ​വും ആ​റു ത​വ​ണ ലോ​ക ചാമ്പ്യനു​മാ​യ ജോ​ർ​ദ​ൻ ബ​റോ​സ് ഉ​ൾ​പ്പെ​ടെ​യു​ള്ള​വ​ർ പ​റ​ഞ്ഞു ക​ഴി​ഞ്ഞു. ‘‘ഇ​ത് അ​നീ​തി​യാ​ണ്. വി​നേ​ഷ് ഫോ​ഗ​ട്ടി​ന് വെ​ള്ളി മെ​ഡ​ൽ ന​ൽ​ക​ണം.’’

എ​ൺ​പ​തി​ലേ​റെ മ​ത്സ​ര​ങ്ങ​ളി​ൽ പ​രാ​ജ​യ​മ​റി​യാ​ത്ത, ജ​പ്പാ​ൻ താ​രം യു​യി സു​സാ​ക്കി​യെ അ​ട്ടി​മ​റി​ച്ച് ക്വാ​ർ​ട്ട​റി​ൽ ക​ട​ന്ന​പ്പോ​ൾത​ന്നെ വി​നേ​ഷ് മെ​ഡ​ൽ പ്ര​തീ​ക്ഷ ഉ​യ​ർ​ത്തി​യി​രു​ന്നു.​ അ​ത് ഒ​രുപ​ക്ഷേ സ്വ​ർ​ണംത​ന്നെ ആ​യേ​നെ. ക്വാ​ർ​ട്ട​റി​ൽ യു​ക്രെ​യ്നി​​ന്റെ ഒ​ക്സാ​നാ ലി​വാ​ചി​നെ​തി​രെ​യും സെ​മി​യി​ൽ ക്യൂ​ബ​യു​ടെ ഗു​സ്മാ​ൻ ലോ​പ്പ​സി​നെ​തി​രെ​യും അ​നാ​യാ​സ വി​ജ​യം. ഫൈ​ന​ലി​ൽ എ​തി​രാ​ളി യു.​എ​സി​​ന്റെ സാ​റാ ആ​ൻ ഹി​ൽ​ഡ​ർ​ബ്രാ​ന്റ്. ര​ണ്ടാം നാ​ൾ സ്വ​ർ​ണം സ്വ​പ്നം ക​ണ്ട് ഭാ​രം ക്ര​മീ​ക​രി​ക്കാ​ൻ വെ​ള്ള​വും ഭ​ക്ഷ​ണ​വും ത്യ​ജി​ച്ച് ഉ​റ​ങ്ങാ​തെ വ്യാ​യാ​മ​ങ്ങ​ളി​ൽ ഏ​ർ​പ്പെ​ട്ട താ​ര​ത്തി​ന് ഭാ​രം 100 ഗ്രാം ​കൂ​ടു​ത​ൽ; അ​യോ​ഗ്യ​ത. സെ​മി​യി​ൽ വി​നേ​ഷി​നോ​ട് തോ​റ്റ ഗു​സ്മാ​ന് ഫൈ​ന​ൽ ബെ​ർ​ത്ത്. അ​വ​രെ കീ​ഴ​ട​ക്കി സാ​റാ ആ​നി​ന് സ്വ​ർ​ണം. വി​നേ​ഷി​​ന്റെ ക​ണ്ണീ​ർ ന​ന​വു​ള്ള സ്വ​ർ​ണമെ​ഡ​ൽ.

2016ൽ ​റി​യോ ഒളിമ്പിക്സി​ൽ ക്വാ​ർ​ട്ട​റി​ൽ കാ​ൽ​മു​ട്ടി​നു പ​രിക്കേ​റ്റ് സ്ട്രെ​ച്ച​റി​ൽ ഗോ​ദ വി​ട്ട വി​നേ​ഷി​​ന്റെ തി​രി​ച്ചു​വ​ര​വ് ലോ​റ​സ് അ​വാ​ർ​ഡ് നോ​മി​നേ​ഷ​നി​ൽ വ​രെ​യെ​ത്തി​യ​താ​ണ്. ഇ​ത്ത​വ​ണ കാ​ൽ​മു​ട്ടി​ലെ ശ​സ്ത്ര​ക്രി​യ​ക്കുശേ​ഷം മ​ട​ങ്ങിവ​രു​ക​യാ​യി​രു​ന്നു. സാ​ധാ​ര​ണ ഗു​സ്തി​ക്കാ​ർ ത​ങ്ങ​ളു​ടെ യ​ഥാ​ർ​ഥ ഭാ​ര​ത്തി​ൽ അ​ൽപം താ​ഴ്ന്ന ഭാ​ര​വി​ഭാ​ഗ​ത്തി​ലാ​കും പ​ങ്കെ​ടു​ക്കു​ക.​ അ​ത​നു​സ​രി​ച്ച് വി​നേ​ഷ് ഏ​റെ​ക്കാ​ല​മാ​യി 53 വി​ഭാ​ഗ​ത്തി​ലാ​ണ് മ​ത്സ​രി​ച്ചുപോ​ന്ന​ത്.

എ​ന്നാ​ൽ, 53 കി​ലോ​യി​ൽ അ​ൻ റിം പം​ഗ​ൽ പാ​രി​സ് ഒ​ളിമ്പി​ക്സ് യോ​ഗ്യ​ത നേ​ടി​യി​രി​ക്കെ ത​ന്നെ ഒ​ഴി​വാ​ക്കാ​ൻ റെ​സ് ലിങ് ഫെ​ഡ​റേ​ഷ​ൻ ഓ​ഫ് ഇ​ന്ത്യ അ​ധി​തൃ​ത​ർ ശ്ര​മി​ക്കു​മെ​ന്ന് വി​നേ​ഷി​ന് ഭ​യ​മു​ണ്ടാ​യി​രു​ന്നു. അ​തി​നാ​ൽ പ്രാ​ഥ​മി​ക ട്ര​യ​ൽ​സി​ൽ വി​നേ​ഷ് 50 കി​ലോ​യി​ലും 53 കി​ലോ​യി​ലും മ​ത്സ​രി​ച്ചു.

50 കി​ലോ​യി​ൽ വി​ജ​യി​ച്ചു; യോ​ഗ്യ​ത​യും നേ​ടി. 53 കി​ലോ​യി​ൽ അ​ൻ റി​മു​മാ​യി ഒ​രു ട്ര​യ​ൽ​സി​നു കൂ​ടി സാ​ധ്യ​ത​യു​ണ്ടാ​യി​രു​ന്നെ​ങ്കി​ലും അ​ത് ഒ​ഴി​വാ​ക്ക​പ്പെ​ട്ടു. 50 കി​ലോ​യി​ൽ മ​ത്സ​രി​ക്കാ​ൻ വി​നേ​ഷ് നി​ർ​ബ​ന്ധി​ത​യായി.​ ഭാ​രം ഇ​ത​നു​സ​രി​ച്ചു ക്ര​മീ​ക​രി​ക്കു​വാ​ൻ അ​വ​ർ ഏ​റെ ക​ഷ്ട​പ്പാ​ട് സ​ഹി​ച്ചു. പ​ക്ഷേ, ര​ണ്ടാം ദി​നം ത​ല​നാ​രി​ഴ​ക്കു പാ​ളി.​ ഇ​ന്ത്യ​ൻ അ​ധി​കൃ​ത​രു​ടെ അ​നാ​സ്ഥ​ക്കൊ​പ്പം വി​ല്ലേ​ജി​ൽനി​ന്ന് വേ​ദി​യി​ലേ​ക്കു​ള്ള ദൂ​ര​വും പ്ര​ശ്ന​മാ​യി. ഇ​രു​പ​ത്തൊ​മ്പ​തു​കാ​രി​യാ​യ വി​നേ​ഷി​ന് ഇ​ത് മൂ​ന്നാം ഒ​ളിമ്പി​ക്സ് ആ​യി​രു​ന്നു.

വി​നേ​ഷി​നു വി​ന​യാ​യ നി​യ​മം ഭേ​ദ​ഗ​തി ചെ​യ്യ​ണ​മെ​ന്ന് ഇ​തി​ഹാ​സ ഗു​സ്തി താ​രം, അ​മേ​രി​ക്ക​യു​ടെ ജോ​ർ​ദ​ൻ ബു​റോ​ഗ്സ് ആ​വ​ശ്യ​പ്പെ​ട്ടു. പു​രു​ഷവി​ഭാ​ഗം 57 കി​ലോ​യി​ൽ സ്വ​ർ​ണം നേ​ടി​യ, ജ​പ്പാ​ൻ താ​രം ഹ്യൂ​ചി റേ​യും ആ​വ​ശ്യ​പ്പെ​ട്ടു. 2018​ലാ​ണ് ര​ണ്ടാം ദി​നം വീ​ണ്ടും ഭാ​ര​മെ​ടു​ത്ത്, ഭാ​രം കൂ​ടി​യാ​ൽ അ​തു​വ​രെ​യു​ള്ള നേ​ട്ടം റ​ദ്ദാ​ക്കി ഏ​റ്റ​വും പി​ന്നി​ലെ റാ​ങ്കി​ൽ എ​ത്തു​മെ​ന്ന വി​ചി​ത്രനി​യ​മം കൊ​ണ്ടു​വ​ന്ന​ത്. ഹ്യൂ​ചി​യും ഒ​രി​ക്ക​ൽ ഈ ​നി​യ​മ​ത്തി​ന് ഇ​ര​യാ​യ​താ​ണ്.

പ​ക്ഷേ, വി​നേ​ഷി​നെ അ​യോ​ഗ്യ​യാ​ക്കി​യ​ത് ഒ​ട്ടേ​റെ ചോ​ദ്യ​ങ്ങ​ൾ ഉ​യ​ർ​ത്തി. പ്ര​തി​ഷേ​ധം രാ​ജ്യ​മെ​ങ്ങും പ​ട​ർ​ന്നു. പാ​ർ​ല​മെ​ന്റി​ലും എ​ത്തി. വി​നേ​ഷ് ര​ണ്ടാം ദി​നം ഭാ​രം ക്ര​മീ​ക​രി​ക്കു​ന്ന​തി​ൽ പ​രാ​ജ​യ​പ്പെ​ട്ട​പ്പോ​ൾ 57 കി​ലോ​യി​ൽ വെ​ങ്ക​ലം നേ​ടി​യ അ​മ​ൻ സെ​രാ​വ​ത്തി​ന് അ​തു സാ​ധ്യ​മാ​യി.​ വി​നേ​ഷി​​ന്റെ കാ​ര്യ​ത്തി​ൽ ആ​രാ​ണ് ഉ​ത്ത​ര​വാ​ദി?

വ​നി​താ ഗു​സ്തി താ​ര​ങ്ങ​ൾ ലൈം​ഗി​ക അ​തി​ക്ര​മ​ത്തി​ന് ഇ​ര​യാ​യ​തി​​ന്റെ പേ​രി​ൽ ന്യൂ​ഡ​ൽ​ഹി​യി​ൽ ജ​ന്ത​ർ​മ​ന്ത​റി​ൽ സ​മ​രം ന​ട​ത്തി​യ വി​നേ​ഷും സാ​ക്ഷി മാ​ലി​ക്കും ബ​ജ്റ​ങ് പൂ​നി​യ​യും ഉ​ൾ​പ്പെ​ട്ട ഗു​സ്തി താ​ര​ങ്ങ​ളോ​ട് സം​സാ​രി​ക്കാ​ൻ കൂ​ട്ടാ​ക്കാ​തി​രു​ന്ന ഭ​ര​ണാ​ധി​കാ​രി​ക​ൾ വി​നേ​ഷ് പാ​രി​സി​ൽനി​ന്നു മെ​ഡ​ലു​മാ​യി വ​രു​മ്പോ​ൾ സ്വീ​ക​രി​ക്കു​മോ​യെ​ന്ന ചോ​ദ്യം നാ​ടെ​ങ്ങും ഉ​യ​ർ​ന്നി​രു​ന്നു. സ​മ​ര​കാ​ല​ത്ത് തെ​രു​വി​ൽ വ​ലി​ച്ചി​ഴ​ക്കപ്പെ​ട്ട വിനേ​ഷി​​ന്റെ ചി​ത്രം സമൂഹമാ​ധ്യ​മ​ങ്ങ​ളി​ൽ വ്യാ​പ​ക​മാ​യി പ്ര​ച​രി​ച്ചി​രു​ന്നു.​ വി​നേ​ഷി​​ന്റെ കു​തി​പ്പ് ധാ​ർ​മി​ക​ത​യു​ടെ​യും നീ​തി​യു​ടെ​യും സ​ത്യ​ത്തി​​ന്റെ​യും വി​ജ​യ​മാ​യി പ​ര​ക്കെ കൊ​ട്ടി​ഗ്ഘോ​ഷി​ക്ക​പ്പെ​ട്ടു. ഇ​തൊ​ക്കെ ആ​രെ​യെ​ങ്കി​ലും അ​സ്വ​സ്ഥ​രാ​ക്കി​യോ?

കോ​ച്ച്, മാ​നേ​ജ​ർ, ന്യൂ​ട്രീ​ഷ​നി​സ്റ്റ് തു​ട​ങ്ങി​യ​വ​രൊ​ക്കെ​യ​ല്ലേ ഉ​ത്ത​ര​വാ​ദി​ക​ൾ. ഇ​തി​ലാ​രെ​ങ്കി​ലും മ​ന​പ്പൂ​ർ​വം വി​നേ​ഷി​നെ കു​ടു​ക്കി​യോ എ​ന്ന് അ​ന്വേ​ഷി​ക്ക​ണം.​ റെ​സ് ലിങ് ഫെ​ഡ​റേ​ഷ​ൻ ഓ​ഫ് ഇ​ന്ത്യ​യു​ടെ ചി​ല ഭാ​ര​വാ​ഹി​ക​ളെ വി​ല്ലേ​ജി​ൽ ക​ണ്ട​തി​നെ വി​നേ​ഷ് ചോ​ദ്യംചെ​യ്തി​ട്ടു​ണ്ട്. ഇ​തി​നു സ​മാ​ന​മാ​യൊ​രു സം​ഭ​വം ഓ​ർ​ക്കു​ന്നു; അ​ന്ന് ഇ​ന്ത്യ​ൻ കോ​ച്ച് അ​ത് കൈ​കാ​ര്യംചെ​യ്ത​ത് എ​ത്ര ക​രു​ത​ലോ​ടെ​യെ​ന്നും.

2012ലെ ​ല​ണ്ട​ൻ ഒളിമ്പിക്സി​ലാ​ണ് സം​ഭ​വം. പാ​രി​സി​ൽ ഇ​ന്ത്യ​ൻ സം​ഘ​ത്ത​ല​വ​ൻ ആ​യ ഗ​ഗ​ൻ നാ​ര​ങ് ല​ണ്ട​നി​ൽ എ​യ​ർ റൈ​ഫി​ളി​ൽ വെ​ങ്ക​ലം നേ​ടി​യി​രു​ന്നു. പ​ക്ഷേ, അ​ദ്ദേ​ഹം ഉ​പ​യോ​ഗി​ച്ച ജാ​ക്ക​റ്റി​​ന്റെ സ്റ്റിഫ്നസ് കൂ​ടി​യ​തി​​ന്റെ പേ​രി​ൽ അ​യോ​ഗ്യ​നാ​കാ​തെ ര​ക്ഷ​പ്പെ​ട്ട ക​ഥ​യാ​ണ്.​ മ​ത്സ​രദി​വ​സം എ​ത്തും മു​മ്പേ ജാ​ക്ക​റ്റ് പ​രി​ശോ​ധ​ന ന​ട​ന്നു. സ്റ്റി​ഫ്ന​സ് (മൂ​ന്നു മി​ല്ലി​മീ​റ്റ​ർ; തി​ക്നസ് 2.5 മി.​മീ. എ​ന്നാ​ണു പ​രി​ധി) കൂ​ടു​ത​ലാ​ണ്. ഇ​തേ ജാ​ക്ക​റ്റ് നേ​ര​ത്തേ ലോ​ക ക​പ്പി​ലും ലോ​ക ചാമ്പ്യൻ​ഷി​പ്പി​ലു​മൊ​ക്കെ ക്ലിയ​ർ ചെ​യ്ത​തി​​ന്റെ സ്റ്റി​ക്ക​ർ ജാ​ക്ക​റ്റി​ലുണ്ട്.​ പ​ക്ഷേ, അ​ത് സ്വീ​ക​രി​ക്കി​ല്ല.

ഒളിമ്പിക് മ​ത്സ​ര​ത്തി​നുമു​മ്പ് ജാ​ക്ക​റ്റി​​ന്റെ സ്റ്റി​ഫ്ന​സ് ശ​രി​യാ​ക്ക​ണം.​ കാ​ലാ​വ​സ്ഥ​യു​ടെ വ്യ​തി​യാ​നംകൊ​ണ്ട് ഇ​ങ്ങ​നെ സം​ഭ​വി​ക്കാം. പ​ക്ഷേ, സാ​ഹ​സ​ത്തി​ന് ഇ​ന്ത്യ​യു​ടെ ദേ​ശീ​യ പ​രി​ശീ​ല​ക​ൻ പ്ര​ഫ. സ​ണ്ണി തോ​മ​സ് ത​യാ​റാ​യി​ല്ല. അ​ദ്ദേ​ഹം ബ്ലേഡ് ഉ​പ​യോ​ഗി​ച്ച് ജാ​ക്ക​റ്റി​​ന്റെ ഉ​ൾ​ഭാ​ഗം പ​ല​യി​ട​ത്ത് കീ​റി. ഇ​തോ​ടെ പ്ര​ശ്നം പ​രി​ഹ​രി​ച്ചു. ഗ​ഗ​ൻ ന​ാര​ങ് വെ​ങ്ക​ലം നേ​ടി.

വി​നേ​ഷി​​ന്റെ അ​യോ​ഗ്യ​താ പ്ര​ശ്ന​ത്തി​ൽ, ഇ​ന്ത്യ​യു​ടെ വ​നി​താ ടീം ​ചീ​ഫ് കോ​ച്ച് വി​രേ​ന്ദ​ർ ദ​ഹി​യ പ​റ​യു​ന്ന​ത് (ദ ​ഹി​ന്ദു) ത​ലേ​ന്നു രാ​ത്രി ഭാ​രം ഒ​രു കി​ലോ കൂ​ടി​യി​രു​ന്നെ​ന്നാ​ണ്. മ​റ്റു ചി​ല​ർ പ​റ​യു​ന്ന​ത് മൂ​ന്നു കി​ലോ​യോ​ളം കൂ​ടു​ത​ൽ എ​ന്നാ​ണ്. ഏ​താ​ണ് വി​ശ്വ​സി​ക്കു​ക. പി​റ്റേ​ന്ന് ഫൈ​ന​ലി​ൽ അ​മേ​രി​ക്ക​യു​ടെ സാ​റാ ആ​ൻ ഹി​ൽ​ഡ് ബ്രാ​ന്റി​നെ നേ​രി​ടാ​നു​ള്ള വി​നേ​ഷി​നെ രാ​ത്രി ഉ​റ​ക്കം ക​ള​യി​ച്ച് വ്യാ​യാ​മം ചെ​യ്യി​ക്കു​ക.​ വെ​ള്ള​വും ഭ​ക്ഷ​ണ​വും കൊ​ടു​ക്കാ​തി​രി​ക്കു​ക. പ​ക്ഷേ, അ​ത്ഭു​തം തോ​ന്നി​യി​ല്ല.

ഭാ​രം 50 കി​ലോ​യി​ൽ നി​ർ​ത്താ​ൻ താ​ൻ ര​ണ്ടുദി​വ​സം ഭ​ക്ഷ​ണം ക​ഴി​ച്ചി​ല്ലെ​ന്ന് ബോ​ക്സി​ങ് താ​രം നി​ഖാ​ത് സ​രി​ൻ കു​റി​ച്ച​ത് ഏ​താ​നും ദി​വ​സം മു​മ്പാ​ണ്. പാ​രി​സ് ഒളിമ്പിക്സി​ന് ഇ​ന്ത്യ​ൻ ടീ​മി​നെ ഒ​രു​ക്കാ​ൻ സ​ർ​ക്കാ​ർ ചെ​ല​വി​ട്ട​ത് 470 കോ​ടി രൂ​പ​യാ​ണ്. എ​ത്ര​യോ വി​ദേ​ശയാ​ത്ര​ക​ളും രാ​ജ്യാ​ന്ത​ര മ​ത്സ​ര​ങ്ങ​ളി​ൽ പ​ങ്കെ​ടു​ക്കാ​ൻ അ​വ​സ​ര​വും സാ​ധ്യ​മാ​യി. പ​ക്ഷേ, ശ്ര​ദ്ധി​ക്കേ​ണ്ട ചി​ല കാ​ര്യ​ങ്ങ​ൾ വി​ട്ടു​പോ​യി. ഇ​താ​ണ് വി​ദേ​ശ രാ​ജ്യ​ങ്ങ​ളെ ക​ണ്ടു പ​ഠി​ക്കേ​ണ്ട​ത്.​ സ​മ​ഗ്ര അ​ന്വേ​ഷ​ണം ആ​വ​ശ്യ​മാ​ണ്.

വി​നേ​ഷ് പ​റ​ഞ്ഞി​രു​ന്നു. ‘‘സാ​ക്ഷി മാ​ലി​കിനും ബ​ജ്റ​ങ് പൂ​നി​യ​ക്കും ഒളിമ്പിക് മെ​ഡ​ലുണ്ട്. എ​നി​ക്കും ഒ​രെ​ണ്ണം നേ​ട​ണം. എ​ന്നി​ട്ട് ബ്രി​ജ്ഭൂ​ഷ​ൻ ശ​ര​ൻ സി​ങ്ങി​​ന്റെ ക​ണ്ണി​ൽ നോ​ക്കി പ​റ​യ​ണം; ഞാ​നും ഒ​രു ഒളിമ്പിക് മെ​ഡ​ൽ ജേ​ത്രി​യാ​ണെ​ന്ന്.’’ ഓ​രോ മ​ത്സ​രം ജ​യി​ച്ച​പ്പോ​ഴും വി​നേ​ഷ് പ്ര​ക​ടി​പ്പി​ച്ച വി​കാ​രം സ്വ​ർ​ണ​ത്തി​ൽ കു​റ​ഞ്ഞൊ​ന്നും താ​ൻ ല​ക്ഷ്യ​മി​ടു​ന്നി​ല്ല എ​ന്നു വ്യ​ക്ത​മാ​ക്കു​ന്ന​താ​യി​രു​ന്നു. ആ ​സു​വ​ർ​ണ സ്വ​പ്നം തെ​ന്നിമാ​റി. ഇ​ന്ത്യ സ്വ​ർ​ണ​മി​ല്ലാ​തെ പാ​രി​സി​ൽനി​ന്നു മ​ട​ങ്ങി.

രാ​ജ്യാ​തി​ർ​ത്തി ക​ട​ന്ന് സൗഹൃ​ദ ജാ​വ​ലി​ൻ

ഇ​ന്ത്യ-​പാ​കിസ്താ​ന്‍ ഹോ​ക്കി മ​ത്സ​ര​വും ക്രി​ക്ക​റ്റ് മ​ത്സ​ര​വും ഇം​ഗ്ല​ണ്ട്-​ആസ്ട്രേ​ലി​യ ‘ആ​ഷ​സ്’ പ​ര​മ്പ​ര​പോ​ലെ ശ്ര​ദ്ധി​ക്ക​പ്പെ​ടു​ക പ​തി​വാ​ണ്. പ​ക്ഷേ, പാ​കിസ്താ​ന്‍ ഹോ​ക്കി ടീ​മി​നു പ​ഴ​യ പ്ര​താ​പ​മി​ല്ല, ഇ​ക്കു​റി ഒ​ളി​മ്പി​ക്‌​സ് യോ​ഗ്യ​ത​യും നേ​ടി​യി​ല്ല. എ​ന്നാ​ല്‍ ജാ​വ​ലി​ന്‍ ത്രോ​യി​ല്‍ പാ​കിസ്താ​ന്റെ അ​ര്‍ഷ​ദ് ന​ദീമും ഇ​ന്ത്യ​യു​ടെ നീ​ര​ജ് ചോ​പ്ര​യും ത​മ്മി​ലു​ള്ള മ​ത്സ​രം സൗ​ഹൃ​ദ​ത്തോ​ടെ​യാ​ണ് ന​ട​ന്ന​ത്.​ അ​വ​ര്‍ ന​ല്ല സു​ഹൃ​ത്തു​ക്ക​ളു​മാ​ണ്. ന​ദീമി​ന് പു​തി​യൊ​രു ജാ​വ​ലി​ന്‍ വാ​ങ്ങാ​ന്‍ പ​ണം ഇ​ല്ലാ​തെ വ​ന്ന​പ്പോ​ള്‍ അ​ക്കാ​ര്യം സമൂഹ മാ​ധ്യ​മ​ങ്ങ​ളി​ലൂ​ടെ വെ​ളി​പ്പെ​ടു​ത്തി സ​ഹാ​യം തേ​ടി​യ​ത് നീ​ര​ജ് ചോ​പ്ര​യാ​ണ്. ഇ​പ്പോ​ള്‍ പാ​രി​സ് ഒളിമ്പിക്‌​സി​ല്‍ ജാ​വ​ലി​ന്‍ ത്രോ​യി​ല്‍ അ​ര്‍ഷ​ദ് ന​ദീം സ്വ​ർണ​വും (92.97 മീ​റ്റ​ര്‍) നീ​ര​ജ് ചോ​പ്ര വെ​ള്ളി​യും (89.45 മീ​റ്റ​ര്‍) നേ​ടി.

മ​ത്സ​രം ക​ഴി​ഞ്ഞ​പ്പോ​ള്‍ നീ​ര​ജി​ന്റെ മാ​താ​വ് സ​രോ​ജ്‌​ദേ​വി പ​റ​ഞ്ഞു, ‘‘സ്വ​ർണ​വും വെ​ള്ളി​യും ന​മ്മു​ടെ മ​ക്ക​ള്‍ക്ക​ല്ലേ, അ​വ​നും എ​ന്റെ മ​ക​ന്‍ത​ന്നെ.’’ ന​ദീ​മി​ന്റെ മാ​താ​വ് റ​സി​യ പ​ര്‍വീ​ൺ പ​റ​ഞ്ഞ​തും അ​ങ്ങ​നെ ത​ന്നെ. ‘‘നീ​ര​ജും എ​ന്റെ മ​ക​നാ​ണ്. അ​വ​നു വേ​ണ്ടി​യും ഞാ​ന്‍ പ്രാ​ർഥി​ച്ചു.’’ ന​ദീ​മും നീ​ര​ജും സ​ഹോ​ദ​ര​ന്മാ​രെ​പ്പോ​ലെ​യാ​ണെ​ന്ന് റ​സി​യ പ​റ​ഞ്ഞു. ഈ ​അ​മ്മ​മാ​ര്‍ ഒളിമ്പിക്‌​സി​ന്റെ യ​ഥാ​ർഥ സ​ന്ദേ​ശ​വാ​ഹ​ക​രാ​യി. അ​വ​രു​ടെ പ്ര​തി​ക​ര​ണ​ങ്ങ​ള്‍ അ​തി​ര്‍ത്തി​ക​ള്‍ക്ക​പ്പു​റം വൈ​റ​ലാ​യി.

ഹോ​ക്കി മാ​ന്ത്രി​ക​ന്‍ ധ്യാ​ന്‍ച​ന്ദ് മു​മ്പ് പാ​കിസ്താ​നി​ല്‍ ചെ​ന്ന​പ്പോ​ള്‍ ല​ഭി​ച്ച വീ​രോ​ചി​ത സ്വീ​ക​ര​ണം ‘ഗോ​ള്‍’ എ​ന്ന അ​ദ്ദേ​ഹ​ത്തി​ന്റെ ആ​ത്മ​ക​ഥ​യി​ല്‍ പ​റ​യു​ന്നു​ണ്ട്. ടെ​ന്നി​സി​ല്‍ ഇ​ന്ത്യ​യു​ടെ രോ​ഹ​ന്‍ ബൊ​പ്പ​ണ്ണ​യും പാ​കിസ്താ​ന്റെ ഐ​സമു​ല്‍ ഹ​ഖ് ഖു​റൈശി​യും ചേ​ര്‍ന്നു​ള്ള ഡ​ബി​ള്‍സ് കൂ​ട്ടു​കെ​ട്ടി​നെ ‘ഇ​ന്തോ-​പാ​ക് എ​ക്‌​സ്പ്ര​സ്' എ​ന്ന് വി​ശേ​ഷി​പ്പി​ച്ചി​രു​ന്നു. 2010 മു​ത​ല്‍ 2014 വ​രെ ഇ​വ​ര്‍ ടെ​ന്നി​സ് ടൂ​റി​ല്‍ സ​ജീ​വ​മാ​യി​രു​ന്നു. 2011ല്‍ ​ഖു​റൈശിക്കൊ​പ്പം നേ​ടി​യ പാ​രി​സ് മാ​സ്റ്റേ​ഴ്‌​സ് കി​രീ​ട​മാ​ണ് രോ​ഹ​ണ്‍ ബൊ​പ്പ​ണ്ണ​യു​ടെ പ്ര​ഥ​മ എ.​ടി.​പി മാ​സ്റ്റേ​ഴ്‌​സ് കി​രീ​ടം.

സ്‌​പോ​ര്‍ട്‌​സ് എ​പ്പോ​ഴും സ​മാ​ധാ​ന​ത്തി​ന്റെ​യും സൗ​ഹൃ​ദ​ത്തി​ന്റെ​യും അ​ന്ത​രീ​ക്ഷ​ത്തി​ലാ​ക​ണം. ഗോ​ത്ര​ങ്ങ​ള്‍ ത​മ്മി​ലു​ള്ള പോ​രാ​ട്ട​ങ്ങ​ള്‍പോ​ലും പ്രാ​ചീ​ന ഒളിമ്പിക്‌​സ് കാ​ല​ത്ത് നി​ര്‍ത്തി​​െവ​ച്ചി​രു​ന്നു. അ​ർ​ഷ​ദ് ന​ദീം എ​റി​ഞ്ഞ ജാ​വ​ലി​ൻ 90 മീ​റ്റ​ർ ക​ട​ന്ന് നി​ലം തൊ​ട്ട​പ്പോ​ൾ കൈ​യടി​ച്ച നീ​ര​ജ് ചോ​പ്ര സ്പോ​ർ​ട്സ്മാ​ൻ സ്പി​രി​റ്റി​​ന്റെ ആ​ൾ​രൂ​പ​മാ​യി.​ ജ​യി​ക്കാ​നു​ള്ള വാ​ശി​യി​ൽ സൗ​ഹൃ​ദം ചോ​ര​രു​ത്. എ​തി​രാ​ളി​യു​ടെ വി​ജ​യം അം​ഗീ​ക​രി​ക്കു​ക​യും വേ​ണം. അ​താ​ണ് ഒളിമ്പിക്സ് ന​ൽ​കു​ന്ന സ​ന്ദേ​ശം.