വാഷിങ്ടണ്‍: അമേരിക്കയിലെ ഫ്ളോറിഡയില്‍ ഇന്ത്യക്കാരുടെ പലചരക്കുകടക്ക് തീവെക്കാന്‍ ശ്രമം. മുസ്ലിംകളാണെന്ന് തെറ്റിദ്ധരിച്ചാണ് കടക്ക് തീവെക്കാന്‍ ശ്രമിച്ചതെന്ന് പിടിയിലായ റിച്ചാര്‍ഡ് ലോയിഡ്(64) പൊലീസിനോട് പറഞ്ഞു. ലോയിഡ് കടയുടെ വാതിലിനു മുമ്പില്‍ മാലിന്യം കൂട്ടിയിട്ട് കത്തിക്കുന്നതാണ് വിവരമറിഞ്ഞ് സ്ഥലത്തത്തെിയ പൊലീസ് കണ്ടത്. പൊലീസ് ഉടന്‍ തീയണച്ചതിനാല്‍ വലിയ നാശനഷ്ടം സംഭവിച്ചില്ല. ലോയിഡിന്‍െറ മാനസിക നില പരിശോധിക്കുമെന്നും സംഭവം വംശീയാക്രമണമാണോ എന്ന് അന്വേഷിക്കുമെന്നും അധികൃതര്‍ പറഞ്ഞു. കഴിഞ്ഞ ആഴ്ചകളില്‍ അമേരിക്കയില്‍ ഇന്ത്യക്കാര്‍ക്കു നേരെ നിരവധി വംശീയാക്രമണങ്ങള്‍ നടന്നിരുന്നു. ഫെബ്രുവരി 22ന് കാന്‍സസില്‍ ഇന്ത്യന്‍ എന്‍ജിനീയര്‍ ശ്രീനിവാസ് കുച്ചിബോട്ലയെ മുന്‍ യു.എസ്. നാവിക ഉദ്യോഗസ്ഥന്‍ ആദം പ്യൂരിന്‍റണ്‍ വെടിവെച്ചു കൊലപ്പെടുത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.