ജറൂസലം: ഇസ്രായേലിന്‍െറ അഞ്ചാമത്തെ പ്രസിഡന്‍റായിരുന്ന ഇഷാഖ് നവോന്‍ അന്തരിച്ചു. 94 വയസ്സായിരുന്നു. ശനിയാഴ്ചയായിരുന്നു മരണമെന്ന് കുടുംബം അറിയിച്ചു. ഇസ്രായേലിന്‍െറ സ്ഥാപക പിതാവ് ഡേവിഡ് ബെന്‍ ഗുരിയോനിന്‍െറ സന്തതസഹചാരിയായിരുന്നു നവോന്‍. പിന്നീട് ഇസ്രായേല്‍ ലേബര്‍ പാര്‍ട്ടിയുടെ നേതൃനിരയിലത്തെി. 1978-83 കാലയളവിലാണ് അദ്ദേഹം പ്രസിഡന്‍റായത്. ദീര്‍ഘകാലം ഇസ്രായേല്‍ മന്ത്രിസഭയില്‍ വിദ്യാഭ്യാസ മന്ത്രിയായിരുന്നു. 1992ല്‍ രാഷ്ട്രീയത്തോട് വിടപറഞ്ഞ നവോന്‍ എഴുത്തുകാരനായും നാടകകൃത്തായും ശോഭിച്ചു. നിര്യാണത്തില്‍ ഇസ്രായേല്‍ അനുശോചിച്ചു. 1921 ഏപ്രില്‍ ഒമ്പതിന് ജറൂസലമിലായിരുന്നു ജനനം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.