ക്രിസ്​തുവല്ല, ഷീ ജിൻ പിങ്ങാണ്​ രക്ഷകനെന്ന്​ ചൈന

ബീജിങ്​: ക്രിസ്​തുവല്ല, ചൈനീസ്​ പ്രസിഡൻറ്​ ഷീ ജിൻ പിങ്ങാണ്​ രക്ഷകനെന്ന പ്രചാരണവുമായി ചൈനീസ്​ ഭരണകൂടം. ആളുകളെ പട്ടിണിയിൽ നിന്ന്​ കരകയറ്റാൻ ഷീ ജിൻ പിങ്ങിന്​ മാത്രമേ സാധിക്കുകയുളളുവെന്നും ക്രിസ്​തുവിന്​ സാധിക്കില്ല എന്നുമാണ്​ ചൈനീസ്​ സർക്കാർ പറയുന്നത്​ 

യുഗാനിലാണ്​ ഇതുസംബന്ധിച്ച പ്രചാരണം പ്രധാനമായും നടക്കുന്നത്​. സ്ഥലത്ത്​ വീടുകളിലെത്തി ക്രിസ്​തുവി​​​െൻറ ചിത്രങ്ങൾ മാറ്റി പകരം ഷീ ജിൻ പിങ്ങി​​​െൻറ ചിത്രങ്ങൾ സ്ഥാപിക്കാനും ചൈനയിലെ കമ്യൂണിസ്​റ്റ്​ പാർട്ടി ആവശ്യപ്പെട്ടുവെന്നാണ്​ റിപ്പോർട്ട്​.

2020നകം  രാജ്യത്ത്​ നിന്ന് ദാരിദ്ര്യം​ ഇല്ലാതാക്കുക എന്നതാണ്​ ചൈനീസ്​ കമ്യൂണിസ്​റ്റ്​ പാർട്ടിയുടെ ലക്ഷ്യം. ഇതി​​​െൻറ ഭാഗമായാണ്​ ഷീ ജിൻ പിങ്ങിന്​ അനുകൂലമായി ചൈനയിൽ വ്യാപക പ്രചാരണം നടക്കുന്നത്​. പ്രചാരണത്തെ തുടർന്ന്​ അറുനൂറോളം വരുന്ന ഗ്രാമവാസികൾ മതവിശ്വാസത്തിൽ നിന്ന്​ മോചിതരായെന്നും ചൈനീസ്​ കമ്യൂണിസ്​റ്റ്​ പാർട്ടി അവകാശപ്പെടുന്നുണ്ട്​.