ഇസ്ലാമാബാദ്: ജമ്മു കശ്മീരിലെ സുൻജ്വാനിലെ ൈസനിക ക്യാമ്പിൽ നടന്ന ആക്രമണത്തിൽ പങ്കുെണന്നെ ആരോപണം പാകിസ്താൻ നിഷേധിച്ചു. ആക്രമണത്തെ കുറിച്ച് അന്വേഷണം നടത്തി വിവരങ്ങൾ മനസിലാക്കുന്നതിനു മുമ്പ് ഇന്ത്യ നിരുത്തരവാദപരമായി ആരോപണങ്ങൾ ഉന്നയിക്കുകയാണെന്ന് പാകിസ്താൻ കുറ്റപ്പെടുത്തി.
പാകിസ്താനെതിരെ ആസൂത്രിത പ്രചാരണം നടത്തി മനഃപൂർവം യുദ്ധഭ്രാന്ത് സൃഷ്ടിക്കുകയാണെന്നും പാക് വക്താവ് ആരോപിച്ചു. അന്വേഷിച്ച് ഉറപ്പുവരുത്താതെ നിരുത്തരവാദപരമായി ആരോപണങ്ങൾ ഉന്നയിക്കുന്നത് ഇന്ത്യയുടെ സ്ഥിരം സ്വഭാവമാണെന്നും പാകിസ്താൻ കുറ്റപ്പെടുത്തി. ഇന്ത്യയുടെ ആരോപണങ്ങൾ പാകിസ്താനെ മനഃപൂർവം കരിവാരിതേക്കുന്നതിനാണെന്ന് അന്താരാഷ്ട്ര സമൂഹം മനസിലാക്കുമെന്നും അദ്ദേഹം കൂട്ടിച്ചേർത്തു.
കഴിഞ്ഞ ദിവസം ജമ്മുവിലെ സൈനിക ക്യാമ്പിൽ നടന്ന ആക്രമണത്തിൽ അഞ്ചു ജവാന്മാരും ഒരു സിവിലിയനും കൊല്ലപ്പെട്ടിരുന്നു. ആറു സ്ത്രീകളും കുട്ടികളും ഉൾപ്പെടെ 10 പേർക്കു പരുക്കേറ്റിട്ടുണ്ട്. ഇവരിൽ ഒരു കുട്ടിയുടെ നില ഗുരുതരമാണ്. ക്യാമ്പിലെ ഫാമിലി ക്വാർേട്ടഴ്സിൽ ഒളിച്ചിരുന്നതിനാൽ തീവ്രവാദികളെ കണ്ടെത്താൻ ബുദ്ധിമുട്ടിയിരുന്നെങ്കിലും ഏറ്റുമുട്ടലിനൊടുവിൽ മൂന്നു തീവ്രവാദികളെ വധിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.