ബീജിങ്: ശ്രീ ബുദ്ധന്റെ രൂപത്തിൽ യു.എസ് മുൻ പ്രസിഡന്റ് ഡോണൾഡ് ട്രംപിന്റെ പ്രതിമ നിർമിച്ച് ചൈനീസ് കമ്പനി. ഫർണീച്ചർ നിർമാതാക്കളായ ഹോങ് ജിൻഷിയാണ് പ്രതിമ നിർമിച്ചത്. ബുദ്ധനെ പോലെ ട്രംപ് ധ്യാനിക്കുന്ന പ്രതിമയാണ് നിർമിച്ചിരിക്കുന്നത്.
ഇത്തരത്തിലുള്ള ട്രംപിന്റെ 250 പ്രതിമകളാണ് കമ്പനി നിർമിച്ചിരിക്കുന്നത്. ട്രംപിന്റെ 200 പ്രതിമകളുടെ ഓർഡർ ലഭിച്ചിട്ടുണ്ടെന്ന് ചൈനീസ് കമ്പനി അറിയിച്ചു. 6.3 ഇഞ്ച് വലിപ്പമുള്ള പ്രതിമക്ക് 152.22 ഡോളറാണ് വില. 46 സെന്റി.മീറ്റർ വലിപ്പമുള്ള പ്രതിമക്ക് 2000 യുവാനും നൽകണം.
ട്രംപ് പ്രതിമകൾ കണ്ടാൽ എങ്ങനെ പ്രതികരിക്കുമെന്ന് അറിയില്ല. എങ്കിലും അദ്ദേഹത്തിന് പ്രതിമകളിലൊന്ന് സമ്മാനിക്കുമെന്ന് ശിൽപി അറിയിച്ചു. ഈ രീതിയിൽ ധ്യാനിക്കുന്നത് ട്രംപിന് ഗുണകരമാവുമെന്നും ശിൽപി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.