ഇസ്‍ലാമാബാദ്: പാകിസ്താൻ മുൻ പ്രധാനമന്ത്രി ഇംറാൻ ഖാന് തെരഞ്ഞെടുപ്പുകളിൽ മത്സരിക്കുന്നതിന് വിലക്കില്ലെന്ന് ഇസ്‍ലാമാബാദ് ഹൈകോടതി. വരുമാനം വെളിപ്പെടുത്തിയില്ലെന്നു കാണിച്ച് കഴിഞ്ഞയാഴ്ച ഇംറാൻ ഖാനെ പാകിസ്താൻ തെരഞ്ഞെടുപ്പ് കമീഷൻ മത്സരിക്കുന്നതിൽനിന്ന് അയോഗ്യനാക്കിയിരുന്നു. തുടർന്നാണ് 70കാരനായ ഇംറാൻ ഹൈകോടതിയെ സമീപിച്ചത്.
ഭാവി തെരഞ്ഞെടുപ്പുകളിൽ മത്സരിക്കുന്നതിന് വിലക്കില്ലെന്ന് ചീഫ് ജസ്റ്റിസ് അത്താർ മിനല്ല നിരീക്ഷിച്ചു. ഖുർറം ജില്ലയിൽ ഒക്ടോബർ 30ന് നടക്കുന്ന തെരഞ്ഞെടുപ്പിൽ മത്സരിക്കാമെന്നും കോടതി വ്യക്തമാക്കി. കഴിഞ്ഞ ഏപ്രിലിലാണ് ഖാൻ അവിശ്വാസപ്രമേയത്തെ തുടർന്ന് അധികാരഭ്രഷ്ടനായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.