ബിസ്മാർക്ക്: ഫേസ്ബുക്കിൽ ബോസിനയച്ച ഫ്രണ്ട് റിക്വസ്റ്റ് സ്വീകരിക്കാത്തതിന് ബോസിനെ കൊല്ലുമെന്ന് ഭീഷണിപ്പെടുത്തി യുവാവ്. അമേരിക്കയിലെ നോർത്ത് ഡകോട്ടയിലാണ് സംഭവം.
കലേബ് എന്ന 29കാരൻ തന്‍റെ മുൻബോസിന് ക്രിസ്മസ് തലേന്നാണ് ഫ്രണ്ട് റിക്വസ്റ്റയച്ചത്. രണ്ടുദിവസം കഴിഞ്ഞിട്ടും മറുപടിയൊന്നും കാണാത്തതിനാൽ ക്ഷുഭിതനായ ഇയാൾ ബോസിന് തുടരെത്തടരെ സന്ദേശങ്ങളയച്ചു. അവസാനം ഫ്രണ്ട് റിക്വസ്റ്റ് സ്വീകരിച്ചില്ലെങ്കിൽ ഞാൻ താങ്കളെ കൊല്ലുമെന്ന് ഭീഷണിപ്പെടുത്തിയായിരുന്നു സന്ദേശം.
മറ്റൊരു ഫേസ്ബുക് അക്കൗണ്ടിൽ നിന്ന് റിക്വസ്റ്റ് സ്വീകരിച്ചാൽ പ്രശ്നങ്ങളുണ്ടാകില്ലെന്നും കലേബ് സന്ദേശമയച്ചു. അവസാനം മുൻബോസിന്‍റെ കുടുംബം മറ്റൊരു വീട് കണ്ടുപിടിക്കുകയായിരിക്കും ഉചിതമെന്ന് കാണിച്ച് ഇയാൾ സോഷ്യൽമീഡിയയിൽ തന്‍റെ ഫോട്ടോയടക്കമുള്ള ഭീഷണിസന്ദേശം പ്രചരിപ്പിച്ചു.
സി.സി.ടി.വി പരിശോധിച്ച പൊലീസിന് ഇയാൾ മുൻബോസിന്‍റെ വീടിന്‍റെ വാതിൽ ചവിട്ടുന്ന ദൃശ്യങ്ങളും ലഭിച്ചു. ഇതോടെ കലേബിനെ പൊലീസ് അറസ്റ്റ് ചെയ്തിരിക്കുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.