അജ്ഞാത പേടക ഭീതിയിൽ വടക്കൻ അമേരിക്ക

വാ​ഷി​ങ്ട​ൺ: അ​മേ​രി​ക്ക​യും കാ​ന​ഡ​യും അ​ട​ങ്ങു​ന്ന വ​ട​ക്ക​ൻ അ​മേ​രി​ക്ക​യെ ഭീ​തി​യി​ലാ​ഴ്ത്തി അ​ജ്ഞാ​ത പേ​ട​ക​ങ്ങ​ൾ. ഫെ​ബ്രു​വ​രി നാ​ലി​ന് ചൈ​നീ​സ് ബ​ലൂ​ൺ, മി​സൈ​ൽ ഉ​പ​യോ​ഗി​ച്ച് ത​ക​ർ​ത്ത​തി​നു​ശേ​ഷം മൂ​ന്ന് അ​ജ്ഞാ​ത പേ​ട​ക​ങ്ങ​ളാ​ണ് അ​മേ​രി​ക്ക​യു​​ടെ​യും കാ​ന​ഡ​യു​ടെ​യും ആ​കാ​ശ​ത്ത് ക​ണ്ടെ​ത്തി​യ​ത്.

ചെ​റു​കാ​റി​ന്റെ വ​ലു​പ്പ​ത്തി​ലു​ള്ള ഇ​വ അ​മേ​രി​ക്ക​ൻ യു​ദ്ധ വി​മാ​ന​ങ്ങ​ൾ വീ​ഴ്ത്തി​​യെ​ങ്കി​ലും പൂ​ർ​ണ​മാ​യും ആ​ശ​ങ്ക ഒ​ഴി​യു​ന്നി​ല്ല. ഇ​വ ആ​രാ​ണ് അ​യ​ച്ച​തെ​ന്നോ ല​ക്ഷ്യ​മെ​​ന്തെ​ന്നോ അ​മേ​രി​ക്ക​ൻ-​ക​നേ​ഡി​യ​ൻ സു​ര​ക്ഷ അ​ധി​കൃ​ത​ർ​ക്ക് വ്യ​ക്ത​മാ​ക്കാ​നാ​യി​ട്ടി​ല്ല. ഫെ​ബ്രു​വ​രി 10ന് ​അ​ലാ​സ്ക​ക്ക് മു​ക​ളി​ലും ഫെ​ബ്രു​വ​രി 11ന് ​കാ​ന​ഡ​യി​ലെ യു​കോ​ൺ ​പ്ര​ദേ​ശ​ത്തി​ന് മു​ക​ളി​ലും ​ഫെ​ബ്രു​വ​രി 12ന് ​അ​മേ​രി​ക്ക- കാ​ന​ഡ അ​തി​ർ​ത്തി​യി​ലെ ഹു​റോ​ൺ ത​ടാ​ക​ത്തി​ന് മു​ക​ളി​ലു​മാ​ണ് പേ​ട​ക​ങ്ങ​ൾ ക​ണ്ട​ത്. പേ​ട​ക​ങ്ങ​ളു​ടെ അ​വ​ശി​ഷ്ട​ങ്ങ​ൾ ക​ണ്ടെ​ത്താ​ൻ ബോ​ട്ടും വി​മാ​ന​വും അ​ട​ക്കം തി​ര​ച്ചി​ൽ തു​ട​രു​ക​യാ​ണ്.

അ​തേ​സ​മ​യം, ബ​ലൂ​ണി​ന്റെ പേ​രി​ൽ മോ​ശ​മാ​യ അ​മേ​രി​ക്ക- ചൈ​ന ബ​ന്ധ​ത്തി​ൽ കൂ​ടു​ത​ൽ വി​ള്ള​ൽ വീ​ഴ്ത്തി, അ​മേ​രി​ക്ക നി​ര​ന്ത​രം വ്യോ​മാ​തി​ർ​ത്തി ലം​ഘി​ച്ചെ​ന്ന ആ​രോ​പ​ണ​വു​മാ​യി ചൈ​ന രം​ഗ​ത്തെ​ത്തി. ക​ഴി​ഞ്ഞ വ​ർ​ഷം പ​ത്തി​ല​ധി​കം പ്രാ​വ​ശ്യം ത​ങ്ങ​ളു​ടെ വ്യോ​മ മേ​ഖ​ല​യി​ലൂ​ടെ അ​മേ​രി​ക്ക ബ​ലൂ​ണു​ക​ൾ പ​റ​ത്തി​യെ​ന്നും ചൈ​നീ​സ് വി​ദേ​ശ​കാ​ര്യ വ​ക്താ​വ് പ​റ​ഞ്ഞു.