കോടികൾ വിലയുള്ള സൂപ്പർ യോട്ട് മെഡിറ്ററേനിയൻ കടലിൽ മുങ്ങുന്ന ദൃശ്യങ്ങൾ സമൂഹമാധ്യമങ്ങളിൽ വൈറലായി. ഇറ്റാലിയൻ കോസ്റ്റ് ഗാർഡാണ് വിഡിയോ ട്വിറ്ററിൽ പോസ്റ്റ് ചെയ്തത്. 130 അടി ഉയരമുള്ള ബോട്ട് വെള്ളത്തിനടിയിൽ പോകുന്നതായാണ് ദൃശ്യങ്ങളിൽ കാണുന്നത്. ബി.ബി.സി റിപ്പോർട്ട് അനുസരിച്ച്, കോസ്റ്റ് ഗാർഡ് വിമാനത്തിലുണ്ടായിരുന്ന ഒമ്പത് പേരെ രക്ഷപ്പെടുത്തിയിട്ടുണ്ട്. യാച്ച് അപകടത്തിൽപ്പെട്ടതിന്റെ കാരണം വെളിവായിട്ടില്ല. സംഭവത്തിൽ അന്വേഷണം ആരംഭിച്ചതായി ഇറ്റാലിയൻ കോസ്റ്റ് ഗാർഡ് പറയുന്നു.
ഗല്ലിപ്പോളിയിൽ നിന്ന് മിലാസോയിലേക്ക് പോവുകയായിരുന്ന ബോട്ടാണ് മുങ്ങിയത്. നാല് യാത്രക്കാരും അഞ്ച് ജീവനക്കാരും ബോട്ടിലുണ്ടായിരുന്നു. കാലാവസ്ഥയും കടൽസാഹചര്യവും വഷളായതാണ് അപകട കാരണമെന്നാണ് സൂചന. ബോട്ട് ചുരുങ്ങിയ സമയത്തിനുള്ളിൽ മുങ്ങിയെന്നും കടലിൽ നിന്ന് തിരിച്ചെടുക്കാൻ കഴിഞ്ഞില്ലെന്നും കോസ്റ്റ് ഗാർഡ് സമൂഹമാധ്യമത്തിൽ പറഞ്ഞു.
VIDEO: Luxury yacht sinks off the Italian coast.
— AFP News Agency (@AFP) August 24, 2022
All four passengers and five crew members were rescued from the 40-metre vessel, which was heading from Gallipoli to Milazzo when it sank. The reason the yacht sank is unclear and an investigation has been opened pic.twitter.com/cHqNVWBsKC
2007ൽ മൊണാക്കോയിൽ നിർമിച്ച യോട്ടിന് 'സാഗ' എന്നാണ് പേരിട്ടിരിക്കുന്നതെന്ന് ഡെയ്‌ലി മെയിൽ റിപ്പോർട്ട് ചെയ്യുന്നു. ശനിയാഴ്ച രാത്രിയാണ് സംഭവം. തീരത്ത് നിന്ന് 14.5 കിലോമീറ്റർ അകലെയാണ് സംഭവം. യാച്ചിൽ നിന്നുള്ള കോൾ ലഭിച്ചതിനെത്തുടർന്ന്, കപ്പൽ സുരക്ഷിതമായി തുറമുഖത്തേക്ക് തിരികെ കൊണ്ടുവരാൻ കോസ്റ്റ് ഗാർഡ് ഒരു ടഗ് ബോട്ട് അയക്കുകയായിരുന്നു. എന്നാൽ യാച്ച് അതിവേഗം മുങ്ങിയതുകാരണം യാത്രക്കാരെ മാത്രമേ രക്ഷിക്കാനായുള്ളു. ഞായറാഴ്ച ഉച്ചയ്ക്ക് ഒരു മണിയോടെയാണ് സൂപ്പർ യാച്ച് പൂർണമായും മുങ്ങിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.