പുസ്​തകമേള സമാപിച്ചു

അൽഐൻ: ലുലു കുവൈതാത്തും ഡി.സി ബുക്​സും അൽഐൻ മലയാളി സമാജവും ചേർന്ന്​ സംഘടിപ്പിച്ച ഒരുമാസം നീണ്ട പുസ്​തകമേളയുടെ സമാപനത്തിൽ സോണിയ റഫീഖി​െൻറ 'പെൺകുട്ടികളുടെ വീട്' എന്ന പുസ്​തകത്തെ ആസ്​പദമാക്കി ചർച്ച നടത്തി. ലുലു കുവൈതാത്ത് ജനറൽ മാനേജർ ഫിറോസ് ബാബു ഉദ്ഘാടനം ചെയ്​തു. സമാജം സാഹിത്യ വിഭാഗം അസി. സെക്രട്ടറി താജ് ഹസൻ മുഖ്യാതിഥിയായിരുന്നു. സമാജം സെക്രട്ടറി എ.ടി. ഷാജിത് സ്വാഗതം പറഞ്ഞ ചടങ്ങിൽ പ്രസിഡൻറ്​ മണികണ്​ഠൻ അധ്യക്ഷത വഹിച്ചു.

ലോകകേരള സഭാംഗം ഇ.കെ. സലാം, ഇന്ത്യൻ സോഷ്യൽ സെൻറർ മുൻ ജനറൽ സെക്രട്ടറി ജിതേഷ് പുരുഷോത്തമൻ, ഡോ. വിനി ദേവയാനി, താരാട്ട് സെക്രട്ടറി റസിയ ഇഫ്​തിക്കാർ, സമാജം ബാലവേദി കോഒാഡിനേറ്റർ ദിയ സൈനബ്, താജ് ഹസൻ എന്നിവർ ചർച്ചയിൽ പങ്കെടുത്തു. റസൽ മുഹമ്മദ് സാലി മോഡറേറ്ററായി. കേരള നിയമസഭ സ്​പീക്കർ എം.ബി. രാജേഷ് മുഖ്യാതിഥിയായി സെപ്​റ്റംബർ 29ന് ഓൺലൈനിൽ നടന്ന ചടങ്ങിൽ സമാജം സ്കോളാസ്​റ്റിക് അവാർഡ് നേടിയ കുട്ടികൾക്കുള്ള ഉപഹാരം കൈമാറി.കേരളസർക്കാർ സാംസ്​കാരിക വകുപ്പിന് കീഴിലുള്ള മലയാളം മിഷ​െൻറ 'എവിടെയെല്ലാം മലയാളി, അവിടെയെല്ലാം മലയാളം' എന്ന മുദ്രാവാക്യം ഏറ്റെടുത്ത് കഴിഞ്ഞ നാല് വർഷമായി അൽഐൻ ഇന്ത്യൻ സോഷ്യൽ സെൻററും അൽഐൻ താരാട്ട് വനിതാ കൂട്ടായ്​മയും നടത്തുന്ന മലയാളം ക്ലാസുകൾക്ക് പ്രവർത്തിക്കുന്ന അധ്യാപകർ റസിയ ഇഫ്​തിക്കാർ, ഷറീന ജാബിർ, ഷാജിത അബൂബക്കർ, സുചിത്ര സുരേഷ്, പ്രഷീന പ്രവീൺ, ഖദീജ സാജിദ്, ഒയാസിസ് ഇൻറർനാഷനൽ സ്​കൂൾ അധ്യാപിക ഡോ. വിനി ദേവയാനി, ഡോ. സുനീഷ് കൈമല, ബീന റസൽ, എൻ.വി. ജംഷീല എന്നിവരെ ചടങ്ങിൽ ആദരിച്ചു.

സോണിയ റഫീഖിനുള്ള ഉപഹാരം ലുലു കമേഴ്സ്യൽ എക്​സിക്യൂട്ടിവ് സുരേഷ്, ഫിറോസ് ബാബു എന്നിവർ ചേർന്ന് കൈമാറി. തുടർന്ന് സമാജം ട്രഷറർ സലീം ബാബു നന്ദി പറഞ്ഞു. ഡി.സി ബുക്​സ്​ മാനേജർ അനിൽ അബ്രഹാം, സമാജം അസി. സെക്രട്ടറി ഇഫ്​തിക്കാർ, സാഹിത്യ വിഭാഗം സെക്രട്ടറി ജയചന്ദ്രൻ, അസി. ട്രഷറർ വിനോദ് ബാലചന്ദ്രൻ, കലാവിഭാഗം സെക്രട്ടറി ഡോ. സുനീഷ്, കമ്മിറ്റി അംഗങ്ങളായ പി.എം. സമി, ജിയാസ്, ജയൻ ചാവക്കാട് എന്നിവർ പരിപാടിക്ക് നേതൃത്വം നൽകി.