അമ്യൂസ്മെൻറ് പാർക്കിൽ പോയ വിദ്യാർഥികൾക്ക് വൈറസ് ബാധ

കു​മ്പ​ളം: ചാ​ല​ക്കു​ടി​യി​ലെ അ​മ്യൂ​സ്മെ​ന്‍റ്​ പാ​ർ​ക്കി​ലേ​ക്ക് കു​മ്പ​ള​ത്തെ സ്കൂ​ളി​ൽ നി​ന്നും ടൂ​ർ പോ​യ സം​ഘ​ത്തി​ലെ വി​ദ്യാ​ർ​ഥി​ക​ൾ​ക്ക് വൈ​റ​സ് ബാ​ധ. കു​മ്പ​ളം സെൻറ്​ മേ​രീ​സ് സ്കൂ​ളി​ൽ നി​ന്നും ക​ഴി​ഞ്ഞ 25നാ​ണ് വി​ദ്യാ​ർ​ഥി​ക​ൾ ചാ​ല​ക്കു​ടി​യി​ലെ അ​മ്യൂ​സ്മെൻറ് പാ​ർ​ക്കി​ലേ​ക്ക് യാ​ത്ര പോ​യ​ത്. ടൂ​ർ പോ​യ 130 വി​ദ്യാ​ർ​ത്ഥി​ക​ളി​ൽ പ​ല​ർ​ക്കും പ​നി ബാ​ധി​ച്ച​താ​യി മാ​താ​പി​താ​ക്ക​ൾ പ​റ​ഞ്ഞു.

വാ​ട്ട​ർ റൈ​ഡി​ൽ ക​ളി​ച്ച​വ​ർ​ക്കാ​ണ് വൈ​റ​സ് ബാ​ധ. ഛർ​ദി, വ​യ​റി​ള​ക്കം, പ​നി, ക​ണ്ണി​ന് ചു​വ​പ്പ് നി​റം തു​ട​ങ്ങി​യ ല​ക്ഷ​ണ​ങ്ങ​ളാ​ണ് പ​ല​ർ​ക്കും. ഒ​രാ​ഴ്ച ക​ഴി​ഞ്ഞി​ട്ടും പ​നി വി​ട്ടു​മാ​റാ​താ​യ​തോ​ടെ വി​ദ​ഗ്ധ ചി​കി​ത്സ തേ​ടു​ക​യാ​യി​രു​ന്നു. ഇ​രു​പ​തോ​ളം കു​ട്ടി​ക​ൾ ഇ​ത്ത​ര​ത്തി​ൽ വി​വി​ധ ആ​ശു​പ​ത്രി​യി​ൽ ചി​കി​ത്സ തേ​ടി​യ​താ​യി വി​വ​ര​മു​ണ്ട്. ര​ണ്ട്​ മു​ത​ൽ ഏ​ഴ് വ​രെ ക്ലാ​സ്സി​ൽ പ​ഠി​ക്കു​ന്ന വി​ദ്യാ​ർ​ഥി​ക​ളാ​ണ് സം​ഘ​ത്തി​ലു​ണ്ടാ​യി​രു​ന്ന​ത്. ഏ​താ​നും മാ​സം മു​മ്പ് പ​ന​ങ്ങാ​ട്ടെ ഒ​രു സ്കൂ​ളി​ൽ നി​ന്നും യാ​ത്ര പോ​യ​വ​ർ​ക്കും ഇ​ത്ത​ര​ത്തി​ൽ പ്ര​ശ്ന​മു​ണ്ടാ​യി​ട്ടു​ണ്ട്.

യാ​ത്ര പോ​യ ശേ​ഷം കു​ട്ടി​ക​ൾ​ക്കു​ണ്ടാ​യ ബു​ദ്ധി​മു​ട്ടു​ക​ൾ സ്കൂ​ൾ അ​ധി​കൃ​ത​ർ ഹെ​ൽ​ത്ത് വി​ഭാ​ഗ​ത്തെ അ​റി​യി​ക്കാ​തെ മ​റ​ച്ചു​വെ​ച്ച​താ​യും ആ​ക്ഷേ​പ​മു​ണ്ട്. കു​മ്പ​ളം പ​ഞ്ചാ​യ​ത്ത് ആ​രോ​ഗ്യ വി​ഭാ​ഗം സ്കൂ​ളി​ൽ നി​ന്ന് വി​വ​ര​ങ്ങ​ൾ ശേ​ഖ​രി​ച്ചി​ട്ടു​ണ്ട്. സം​ഭ​വ​ത്തി​ൽ അ​ന്വേ​ഷ​ണം ആ​വ​ശ്യ​പ്പെ​ട്ട് ആ​രോ​ഗ്യ മ​ന്ത്രി​ക്ക് പ​രാ​തി ന​ൽ​കി​യ​താ​യും ര​ക്ഷി​താ​ക്ക​ൾ അ​റി​യി​ച്ചു.