ഒ​റ്റ​ത്ത​റ പാ​ട​ത്ത് 13 ഏ​ക്ക​ർ മു​ണ്ട​ക​ൻ കൃ​ഷി വെ​ള്ള​ത്തി​ൽ

ച​ങ്ങ​രം​കു​ളം: ന​ന്നം​മു​ക്ക് പ​ഞ്ചാ​യ​ത്തി​ലെ കാ​ഞ്ഞി​യൂ​ർ ഒ​റ്റ​ത്ത​റ പാ​ട​ത്ത് 13 ഏ​ക്ക​ർ മു​ണ്ട​ക​ൻ കൃ​ഷി ക​ഴി​ഞ്ഞ ദി​വ​സം പെ​യ്ത മ​ഴ​യി​ൽ വെ​ള്ള​ത്തി​ൽ മു​ങ്ങി. മ​ഴ ശ​ക്ത​മാ​യ​തോ​ടെ​യാ​ണ് കൃ​ഷി വെ​ള്ള​ത്തി​ൽ മു​ങ്ങി​യ​ത്. കൃ​ഷി തു​ട​ങ്ങാ​നാ​യി വെ​ള്ള​മി​ല്ലാ​തെ വ​ല​ഞ്ഞ ക​ർ​ഷ​ക​ർ സ​മീ​പ പ്ര​ദേ​ശ​ങ്ങ​ളി​ൽ​നി​ന്നും കൃ​ഷി​യി​ട​ത്തി​ലേ​ക്ക് വെ​ള്ളം പ​മ്പു ചെ​യ്യു​ക​യാ​യി​രു​ന്നു.

ഇ​പ്പോ​ൾ മു​ണ്ട​ക​ൻ പാ​ട​ത്ത് നി​ന്ന് വെ​ള്ളം വ​റ്റി​ക്കു​ക​യാ​ണ് ക​ർ​ഷ​ക​ർ. ദി​വ​സ​വും മ​ഴ പെ​യ്യു​ന്ന​തി​നാ​ൽ ക​ർ​ഷ​ക​ർ ദു​രി​ത​ത്തി​ലാ​കു​ക​യാ​ണ്.

മു​ണ്ട​ക​ൻ പാ​ട​ത്തെ അ​ശാ​സ്ത്രീ​യ തോ​ട് ന​വീ​ക​ര​ണം കാ​ര​ണം പാ​ട​ങ്ങ​ളി​ൽ​നി​ന്ന് വെ​ള്ളം ഒ​ഴു​കു​ന്നി​ല്ലെ​ന്ന് ക​ർ​ഷ​ക​ർ പ​റ​യു​ന്നു. ഈ ​വ​ർ​ഷ​ത്തി​ൽ ജി​ല്ല പ​ഞ്ചാ​യ​ത്തി​ന്റെ പ​ത്ത് ല​ക്ഷം രൂ​പം ചി​ല​വ​ഴി​ച്ച് തോ​ട് ന​വീ​ക​രി​ച്ച​തോ​ട് വീ​തി കു​റ​യു​ക​യും ഉ​യ​രം കൂ​ടു​ക​യും ചെ​യ്ത​തി​നാ​ൽ വെ​ള്ളം ഒ​ഴു​കു​ന്നി​ല്ല. മാ​ത്ര​മ​ല്ല, ഇ​വി​ടെ വൈ​ദ്യു​തി ക​ണ​ക്ഷ​നും മ​റ്റു അ​ടി​സ്ഥാ​ന സൗ​ക​ര്യ​ങ്ങ​ളും ഇ​ല്ലെ​ന്നും ക​ർ​ഷ​ക​ർ പ​റ​യു​ന്നു.