'ഒരുവീട്ടിൽ ഒരു തെങ്ങിൻതൈ' തിരുവാർപ്പിൽ ഒരുങ്ങുന്നത് 8000 തെങ്ങിൻതൈകൾ

കോ​ട്ട​യം: തി​രു​വാ​ർ​പ്പ് പ​ഞ്ചാ​യ​ത്ത് ദേ​ശീ​യ ഗ്രാ​മീ​ണ തൊ​ഴി​ലു​റ​പ്പ് പ​ദ്ധ​തി​യി​ൽ ഉ​ൾ​പ്പെ​ടു​ത്തി ന​ട​പ്പാ​ക്കു​ന്ന 'ഒ​രു​വീ​ട്ടി​ൽ ഒ​രു തെ​ങ്ങി​ൻ​തൈ' പ​ദ്ധ​തി​ക്കാ​യി ഒ​രു​ങ്ങു​ന്ന​ത് 8000 തെ​ങ്ങി​ൻ​തൈ​ക​ൾ. പ​ദ്ധ​തി​വ​ഴി പ​ഞ്ചാ​യ​ത്തി​ലെ ഓ​രോ വീ​ട്ടി​ലും ഓ​രോ തെ​ങ്ങി​ൻ​തൈ വീ​തം തൊ​ഴി​ലു​റ​പ്പ് തൊ​ഴി​ലാ​ളി​ക​ൾ മു​ഖേ​ന സൗ​ജ​ന്യ​മാ​യി ന​ട്ടു​ന​ൽ​കും. ഇ​തി​നാ​യി മൂ​ന്ന് ന​ഴ്സ​റി​ക​ളി​ലാ​യി 8000 വി​ത്ത് തേ​ങ്ങ​ക​ളാ​ണ് മു​ള​പ്പി​ച്ചെ​ടു​ത്ത​ത്. മൂ​ന്നു​വ​ർ​ഷം കൊ​ണ്ട് വി​ള​വെ​ടു​ക്കാ​നാ​വു​ന്ന അ​ത്യു​ൽ​പാ​ദ​ന ശേ​ഷി​യു​ള്ള തെ​ങ്ങി​ൻ​തൈ​ക​ളാ​ണ് ഇ​വ. ആ​റാ​യി​ര​ത്തോ​ളം തെ​ങ്ങി​ൻ​തൈ​ക​ൾ വി​ത​ര​ണ​ത്തി​ന് പാ​ക​മാ​യി​ക്ക​ഴി​ഞ്ഞു.

ഓ​രോ വാ​ർ​ഡി​ലും 250 തെ​ങ്ങി​ൻ​തൈ​ക​ൾ വീ​തം വി​ത​ര​ണം ചെ​യ്യാ​നാ​ണ് തീ​രു​മാ​നം. പ​ദ്ധ​തി​ക്കാ​യി പ​ഞ്ചാ​യ​ത്ത് തൊ​ഴി​ലു​റ​പ്പ് പ​ദ്ധ​തി​ക്ക് 2568 തൊ​ഴി​ൽ ദി​ന​ങ്ങ​ളാ​ണ് ഇ​തു​വ​രെ ന​ൽ​കി​യ​ത്. 47 രൂ​പ നി​ര​ക്കി​ലാ​ണ് കു​റ്റ്യാ​ടി​യി​ൽ​നി​ന്ന്​ വി​ത്ത് തേ​ങ്ങ​ക​ൾ ഇ​റ​ക്കു​മ​തി ചെ​യ്ത​ത്. 11.86 ല​ക്ഷം രൂ​പ പ​ദ്ധ​തി​ക്കാ​യി ചെ​ല​വി​ട്ടു. തൊ​ഴി​ലു​റ​പ്പ് തൊ​ഴി​ലാ​ളി​ക​ൾ ത​ന്നെ വീ​ടു​ക​ളി​ലെ​ത്തി തെ​ങ്ങി​ൻ​തൈ​ക​ൾ ന​ട്ടു​കൊ​ടു​ക്കു​ക വ​ഴി പ​ദ്ധ​തി​യി​ലൂ​ടെ അ​യ്യാ​യി​ര​ത്തി​ല​ധി​കം തൊ​ഴി​ൽ ദി​ന​ങ്ങ​ൾ പ​ഞ്ചാ​യ​ത്ത് ല​ഭ്യ​മാ​ക്കു​ന്നു​ണ്ടെ​ന്ന്​ പ്ര​സി​ഡ​ന്റ് അ​ജ​യ​ൻ കെ.​മേ​നോ​ൻ പ​റ​ഞ്ഞു.