നേന്ത്രവാഴ കർഷകർക്ക് പൊള്ളുന്നു

ക​ല്‍പ​റ്റ: വി​ല​ത്ത​ക​ർ​ച്ച​ക്ക് പു​റ​മെ വ​ര​ൾ​ച്ച​യും വേ​ന​ൽ മ​ഴ​യോ​ടൊ​പ്പ​മെ​ത്തു​ന്ന കാ​റ്റും നേ​ന്ത്ര​വാ​ഴ ക​ർ​ഷ​ക​രെ ക​ണ്ണീ​രി​ലാ​ക്കു​ന്നു. ഇ​തി​ന് പു​റ​മെ വ​ന്യ​മൃ​ഗ​ങ്ങ​ൾ നാ​ട്ടി​ലി​റ​ങ്ങി വാ​ഴ ഉ​ൾ​പ്പെ​ടെ ന​ശി​പ്പി​ക്കു​ന്ന​തും ജി​ല്ല​യി​ലെ നി​ത്യ കാ​ഴ്ച​യാ​ണ്. വി​ദ​ഗ്ധ സ​മി​തി ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ല്‍ അ​ടു​ത്തി​ടെ ന​ട​ത്തി​യ പ​രി​ശോ​ധ​ന​യി​ല്‍ വ​ര​ള്‍ച്ച​യി​ല്‍ കൂ​ടു​ത​ല്‍ നാ​ശം വാ​ഴ​ക്കൃ​ഷി​ക്കാ​ന്ന് ക​ണ്ടെ​ത്തി​യി​രു​ന്നു.

ഹെ​ക്ട​ർ ക​ണ​ക്കി​ന് ക​ര വാ​ഴ​ക്കൃ​ഷി ക​ത്തു​ന്ന വേ​ന​ലി​ൽ ക​രി​ഞ്ഞു​ണ​ങ്ങി ഒ​ടി​ഞ്ഞുതൂ​ങ്ങി. കു​ല​ച്ച മൂ​പ്പെ​ത്താ​ത്ത ആ​യി​ര​ക്ക​ണ​ക്കി​ന് വാ​ഴ​ക​ളാ​ണ് ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ ഇ​ങ്ങ​നെ ന​ശി​ച്ച​ത്. ബാ​ങ്കു​ക​ളി​ല്‍നി​ന്നും വ്യ​ക്തി​ക​ളി​ല്‍നി​ന്നും വാ​യ്പ​യെ​ടു​ത്താ​ണ് പ​ല​രും കൃ​ഷി ഇ​റ​ക്കു​ന്ന​ത്. വാ​ഴ ന​ശി​ച്ച​തോ​ടെ വാ​യ്പ തി​രി​ച്ച​ട​ക്കാ​നാ​കാ​ത്ത അ​വ​സ്ഥ​യി​ലാ​ണ് ക​ർ​ഷ​ക​ർ.

ഉ​ൽ​പാ​ദ​ന ചെ​ല​വി​ന് ആ​നു​പാ​തി​ക​മാ​യി വി​ല പോ​ലും ല​ഭി​ക്കാ​തി​രി​ക്കു​മ്പോ​ഴാ​ണ് ക​ർ​ഷ​ക​ർ​ക്ക് ഇ​ര​ട്ടി പ്ര​ഹ​ര​മാ​യി ക​ന​ത്ത വേ​ന​ലും. ക​ഴി​ഞ്ഞ ദി​വ​സ​ങ്ങ​ളി​ൽ പ​ല സ്ഥ​ല​ങ്ങ​ളി​ലും ആ​ഞ്ഞു വീ​ശി​യ കാ​റ്റി​ലും പാ​ക​മാ​കാ​ത്ത നി​ര​വ​ധി വാ​ഴ​ക​ൾ ന​ശി​ച്ചി​രു​ന്നു. ഫ​സ്റ്റ് ക്വാ​ളി​റ്റി നേ​ന്ത്ര​ക്കു​ല​ക്ക് കി​ലോ​ഗ്രാ​മി​നു 22 രൂ​പ​യാ​ണ് ഇ​പ്പോ​ഴ​ത്തെ മാ​ർ​ക്ക​റ്റ് വി​ല. എ​ന്നാ​ൽ, കി​ലോ​ഗ്രാ​മി​നു 35 രൂ​പ​യെ​ങ്കി​ലും വി​ല ല​ഭി​ച്ചാ​ലേ നേ​ന്ത്ര വാ​ഴ​കൃ​ഷി ലാ​ഭ​ക​ര​മാ​കൂ​വെ​ന്നാ​ണ് ക​ര്‍ഷ​ക​ര്‍ പ​റ​യു​ന്ന​ത്.

ശ​രാ​ശ​രി 10 കി​ലോ​ഗ്രാ​മാ​ണ് ഒ​രു നേ​ന്ത്ര​ക്കു​ല​യു​ടെ തൂ​ക്കം. ഒ​രു നേ​ന്ത്ര വാ​ഴ​ക്ക് പാ​ട്ട​വും വി​ത്തും മു​ത​ൽ വി​ള​വെ​ടു​പ്പു​കാ​ലം വ​രെ പ​രി​പാ​ലി​ക്കു​ന്ന​തി​നു ഏ​ക​ദേ​ശം 250 രൂ​പ വ​രെ​യാ​ണ് ചെ​ല​വ്. ഇ​പ്പോ​ഴ​ത്തെ വി​ല അ​നു​സ​രി​ച്ച് ക​ർ​ഷ​ക​ന് ഈ ​തു​ക ല​ഭി​ക്കി​ല്ല. ഡി​മാ​ൻ​ഡ് വ​ര്‍ധി​ക്കാ​ത്ത​താ​ണ് നേ​ന്ത്ര​ക്കു​ല​ക്ക് ന്യാ​യ​വി​ല ല​ഭി​ക്കാ​ത്ത​തി​നു മു​ഖ്യ​കാ​ര​ണ​മാ​യി ക​ച്ച​വ​ട​ക്കാ​ർ പ​റ​യു​ന്ന​ത്ത്. ഏ​ക​ദേ​ശം 12,000 ഹെ​ക്ട​റി​ലാ​ണ് ജി​ല്ല​യി​ല്‍ വാ​ഴ കൃ​ഷി​യു​ള്ള​ത്.

ക​മു​കു​ക​ളും ന​ശി​ച്ചു

ക​ൽ​പ​റ്റ: വ​ര​ൾ​ച്ച ക​മു​കു​ക​ളെ​യും കാ​ര്യ​മാ​യി ബാ​ധി​ച്ചു. അ​ടു​ത്ത വ​ർ​ഷം വി​ള​വെ​ടു​പ്പ് ന​ട​ത്താ​ന​ാകു​മോ എ​ന്ന ആ​ശ​ങ്ക​യി​ലാ​ണ് ക​ർ​ഷ​ക​ർ. ക​ന​ത്ത ചൂ​ടി​ൽ അ​ടു​ത്ത സീ​സ​ണി​ലേ​ക്കു​ള്ള ക​മു​കു കു​ല​ക​ളെ​ല്ലാം ക​രി​ഞ്ഞു​ണ​ങ്ങി​യ അ​വ​സ്ഥ​യി​ലാ​ണ്. കാ​യ്ച അ​ട​ക്ക​ക​ൾ കൊ​ഴി​ഞ്ഞു വീ​ഴു​ക​യാ​ണ്. ജി​ല്ല​യി​ൽ നി​ര​വ​ധി ക​ർ​ഷ​ക​ർ ക​മു​ക് കൃ​ഷി​യെ ആ​ശ്ര​യി​ച്ചു ക​ഴി​യു​ന്നു​ണ്ട്.

ക​ന്നു​കാ​ലി​ക​ൾ​ക്കും ര​ക്ഷ​യി​ല്ല

ക​ൽ​പ​റ്റ: ക​ന​ത്ത ചൂ​ടി​ൽ ജി​ല്ല​യി​ൽ ക​ന്നു​കാ​ലി​ക​ൾ ചാ​കു​ന്ന സം​ഭ​വ​ങ്ങ​ളും ഉ​ണ്ടാ​കു​ന്നു. എ​ട​വ​ക, ക​ണി​യാ​മ്പ​റ്റ, പ​ന​മ​രം, മു​ള്ള​ൻ​കൊ​ല്ലി, നെ​ന്മേ​നി, വെ​ങ്ങ​പ്പ​ള്ളി, പ​ഞ്ചാ​യ​ത്തു​ക​ളി​ലാ​യി അ​ര ഡ​സ​ൻ ക​ന്നു​കാ​ലി​ക​ൾ ക​ടു​ത്ത ചൂ​ടു​മാ​യി ബ​ന്ധ​പ്പെ​ട്ട് ച​ത്ത​താ​യാ​ണ് ക​ണ​ക്കു​ക​ൾ. ഇ​തി​ൽ നാ​ലും ഈ ​മാ​സ​ത്തി​ലാ​ണ്. ക​ന​ത്ത ചൂ​ടി​ൽ ശ​രീ​ര​ത്തി​ന്റെ പ്ര​തി​രോ​ധ ശേ​ഷി ന​ഷ്ട​പ്പെ​ടു​ന്ന​തും ഭ​ക്ഷ​ണം ക​ഴി​ക്കാ​നാ​കാ​ത്ത​തു​മാ​ണ് ക​ന്നു​കാ​ലി​ക​ളെ ഗു​രു​ത​രാ​വ​സ്ഥ​യി​ലേ​ക്ക് ന​യി​ക്കു​ന്ന​ത്.

ക​ന​ത്ത ക​റ​വപ്പശു​ക്ക​ളി​ൽ അ​കി​ടു​വീ​ക്കം വ​രാ​നു​ള്ള സാ​ധ്യ​ത വ​ർ​ധി​പ്പി​ക്കും. ക​ടു​ത്ത വേ​ന​ലി​ൽ തീ​റ്റ​പ്പു​ല്ല് കി​ട്ടാ​നി​ല്ലാ​ത്ത​ത് ക്ഷീ​ര ക​ർ​ഷ​ക​രെ പ്ര​തി​സ​ന്ധി​യി​ലാ​ക്കു​ക​യാ​ണ്. പ​ച്ച പു​ല്ലു​ക​ളാ​വ​ട്ടെ മി​ക്ക​യി​ട​ത്തും ക​രി​ഞ്ഞു​ണ​ങ്ങി.

ക​ന്നു​കാ​ലി​ക​ൾ​ക്ക് ആ​വ​ശ്യ​മാ​യ കു​ടി​വെ​ള്ളം പോ​ലും പ​ല​യി​ട​ങ്ങ​ളി​ലും കി​ട്ടാ​തെ​യാ​യി. ആ​വ​ശ്യ​ത്തി​നു വേ​ന​ൽ​മ​ഴ ല​ഭി​ച്ചി​ല്ലെ​ങ്കി​ൽ വ​രും ദി​വ​സ​ങ്ങ​ളി​ൽ പാ​ൽ ഉ​ൽ​പാ​ദ​നം കു​റ​യു​മെ​ന്ന ആ​ശ​ങ്ക​യു​മു​ണ്ട്. ര​ണ്ടാ​ഴ്ച​യാ​യി പാ​ല​ള​വ് കു​റ​ഞ്ഞി​ട്ടു​ണ്ടെ​ന്നെ​ന്നാ​ണ് ക്ഷീ​ര ക​ർ​ഷ​ക​ർ പ​റ​യു​ന്ന​ത്.

ന​ഷ്ട​പ​രി​ഹാ​ര​ത്തി​ന് ന​ട​പ​ടി വൈ​കു​ന്നു

ക​ൽ​പ​റ്റ: വ​ര​ൾ​ച്ച മൂ​ല​മു​ണ്ടാ​യ കൃ​ഷി​നാ​ശ​ത്തി​നു ക​ർ​ഷ​ക​ർ​ക്കു ന​ഷ്ട​പ​രി​ഹാ​രം ന​ൽ​കാ​നു​ള്ള ന​ട​പ​ടി തു​ട​ങ്ങി​യി​ല്ല. വ​യ​നാ​ടി​നെ വ​ര​ൾ​ച്ച ബാ​ധി​ത മേ​ഖ​ല​യാ​യി പ്ര​ഖ്യാ​പി​ക്കു​മെ​ന്നും വേ​ഗ​ത്തി​ൽ ന​ഷ്ട​പ​രി​ഹാ​രം ന​ൽ​കു​മെ​ന്നും മ​ന്ത്രി ഉ​ൾ​പ്പ​ടെ​യു​ള്ള​വ​ർ ഉ​റ​പ്പു​ന​ൽ​കി​യെ​ങ്കി​ലും ന​ട​പ​ടി​യു​ണ്ടാ​യി​ല്ല.

വ​ര​ൾ​ച്ച ബാ​ധി​ത പ്ര​ദേ​ശ​മാ​യി പ്ര​ഖ്യാ​പി​ക്കാ​ത്ത​തി​നാ​ൽ ന​ഷ്ട​പ​രി​ഹാ​ര​ത്തി​ന് അ​പേ​ക്ഷ സ്വീ​ക​രി​ക്കാ​നാ​വി​ല്ലെ​ന്നാ​ണ് ഉ​ദ്യോ​ഗ​സ്ഥ​ർ പ​റ​യു​ന്ന​ത്. അ​തേ​സ​മ​യം, കൃ​ഷി​നാ​ശം പ​രി​ശോ​ധി​ച്ച് ന​ഷ്ടം വി​ല​യി​രു​ത്താ​നു​ള്ള സം​ഘം അ​ടു​ത്ത ദി​വ​സം ജി​ല്ല​യി​ലെ​ത്തു​മെ​ന്നാ​ണ് ക​രു​തു​ന്ന​ത്.

കൃ​ഷി ഉ​ദ്യോ​ഗ​സ്ഥ​രും വി​ദ​ഗ്ധ​രും സം​ഘ​ത്തി​ലു​ണ്ടാ​കും. വ​ര​ൾ​ച്ച രൂ​ക്ഷ​മാ​യ സ​മ​യ​ത്ത് കൃ​ഷി വ​കു​പ്പ് വി​വ​ര​ങ്ങ​ൾ ശേ​ഖ​രി​ക്കു​ക​യും റി​പ്പോ​ർ​ട്ട് ന​ൽ​കു​ക​യും ചെ​യ്തി​രു​ന്നു. കൂ​ടാ​തെ ജി​ല്ല​യെ വ​ര​ൾ​ച്ച മേ​ഖ​ല​യാ​യി പ്ര​ഖ്യാ​പി​ക്ക​ണ​മെ​ന്നും ശിപാ​ർ​ശ ചെ​യ്തി​രു​ന്നു. കൃ​ഷി വ​കു​പ്പ് ശേ​ഖ​രി​ച്ച റി​പ്പോ​ർ​ട്ടു​ക​ൾ സം​ഘം പ​രി​ശോ​ധി​ക്കും.