ആഘോഷമാക്കി കൃഷിക്കൂട്ടം വിളവെടുപ്പ്

നേമം: കല്ലിയൂര്‍ പഞ്ചായത്തിലെ പൂങ്കുളം വാര്‍ഡിലെ ശിവോദയ കൃഷിക്കൂട്ടം കര്‍ഷകര്‍ മത്സ്യകൃഷി വിളവെടുപ്പ് ആഘോഷമാക്കി. പഞ്ചായത്ത് തൊഴിലുറപ്പ് പദ്ധതി പ്രകാരം നിര്‍മിച്ച കീഴൂര്‍ കുളത്തിലാണ് വിവിധയിനം മത്സ്യങ്ങളെ നിക്ഷേപിച്ചിരുന്നത്. ഫിഷറീസ് വകുപ്പിന്റെ സഹായത്തോടെയാണ് ഒരുവര്‍ഷം മുമ്പ് മത്സ്യക്കുഞ്ഞുങ്ങളെ നിക്ഷേപിച്ചത്.

കൃഷിക്കൂട്ടത്തിലെ 5 കര്‍ഷകര്‍ ചേര്‍ന്നാണ് കഴിഞ്ഞദിവസം 600 കിലോയോളം മത്സ്യകൃഷി വിളവെടുപ്പ് നടത്തിയത്. ഇത് വലിയ നേട്ടമാണെന്ന് പൂങ്കുളം വാര്‍ഡ് മെംബര്‍ വി. സുധര്‍മ പറഞ്ഞു.